Luke 9:7 - Lubuagan Kalinga

⁷ Chingngeɏʼn pun Ari Herod ud Galilee cha losan un laklakwa, ked amod chi lanchachalegla, ti kangkalan cha uchum un tagu un siya si John un Mambubunyeg un ummuli latagu.

Luke 9:7 ပူးပေါင်းရင်းမြစ်များ

Matthew 11:2

Si hachiʼn timpu libyabyaɏud si John un Mambubunyeg. Chingngeɏla pu pin-an Kristu killingwa, imbuunla cha uchum un disipulusla un umoy makaimus kan Jesus.

Mark 8:28

“Kalan cha uchum, sika si John un Mambubunyeg. Kalan bo cha uchum un, sika si Elijah, ked cha uchum kalancha un, osa kan propeta.”

Luke 13:31

Si hachiʼn uras, ummoy cha uchum un Pariseo ot kalancha kan Jesus, “Masapuɏʼn telam utla ked ingka si sabyalin ili ti pion Ari Herod un paotoy sika.”

Luke 21:25

“Awed chi kaog-ogyat un makwa si ilit, seɏeg ya cha bituwon. Ked ha allaʼn pita lappun isun chi ilogyat cha tagu ti sumabyali ilunguɏn chi byeybyey ya challuyun.

Luke 23:7

Laammuwala pun un lampeɏpu si Jesus si iliʼn inturayan Herod, imbuunla si Jesus kan Herod un aspuɏʼn illinggew ud Jerusalem si hachiʼn timpu.

Luke 3:1

Si mikasimpuɏu ya limaʼn tawon chi lanturayan Emperador Tiberius Caesar ud Rome, si Pontius Pilate chi gubillachuɏ ud Judea. Si Herod chi lanturay ud Galilee, Philip un suludla lanturay ud sakup chi Iturea kan Traconite ya si Lysanias chi lanturay ud Abilene.

Luke 9:19

Kalan cha uchum, “Sika si John un Mambubunyeg. Kalan cha uchum un sika si Elijah, ked cha uchum, kalancha un sika osaʼn propeta si awi un ummuli latagu.”