Luke 9:60 - Lubuagan Kalinga

⁶⁰ Ngim kalan Jesus kan siya, “Mangamung cha lalattoy un mangimbon kan cha isuchaʼn latoy si ispiritu. Ngim sika, ingka ipapuut ibyegbyega Mampangatan Apudyus.”

Luke 9:60 ပူးပေါင်းရင်းမြစ်များ

Matthew 4:23

Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Matthew 8:22

Ngim kalan Jesus kan siya, “Tun-ucholak, mangamung gey cha achipun mamati, un isucha lalattoy un mangimbon kan siya.”

Luke 15:24

Ti ha allaʼn alakku kalak pun lu latoy ngim allaʼn latattagu, kalak pun lu lataɏak, ngim allaʼn langulin.’ Ot lilugiyanchaʼn langganggalas.

Luke 15:32

Ngim si sala, masapuɏʼn mangganggalas taku ya matetteɏok taku ti kalak pun lu latoy chi suludlu, ngim allaʼn latattagu, kalak pun lu lataɏak ngim allaʼn langulin.’ ”

1 Corinthians 9:16

Ked lappun kalobbongak un mangilastug si mangibyegbyeg-ak si Bibiɏuʼn Chameg, ti piliyeɏla sakon un mangibyegbyega. Ked kadcheguwak lu achipunku ibyegbyega!

Ephesians 2:1

Si chaampunyu mamatiyan kan Jesu Kristu, lappun lamlamayuʼn mipati kan Apudyus, ti isuyu lalattoy kan siya gapu si byasuɏyu.

Ephesians 2:5

ti ulay lu isu taku lalattoy kan siya gapu kan cha byasuɏ taku si chaampun taku mamatiyan, tilagula chitaku mipagapu kan Kristu. Ked ha kachegula siya lalaguwala kan chitaku.

1 Timothy 5:6

Ngim ha labyaɏu un siyad pin-ala somsomkon cha pion chi long-egla, isun chi lalattoy kan Apudyus ulay lu matattagu.

2 Timothy 4:2

Ibyegbyegam chi ugud Apudyus. Pasigka lakasagala, bibiɏu man willu lawwik un timpu. Awisom chicha ya omɏam cha mangwa si lawwing ya segagom chicha losan. Masapuɏʼn alusam un mantudtuchu.

2 Timothy 4:5

Ngim sika, masapuɏʼn matingngem chi long-eglu, attomam ulay siluʼn ligat ya ipapatim un mangibyegbyega si bibiɏuʼn chameg ya koom losan cha akomlu un osaʼn mansimbi kan Apudyus.

Revelation 3:1

Kalala bo, Isuɏatlu allaya si anghel un mangayyuwan kan cha mamatiʼd Sardis: “ ‘Sakon chi litipugen chi Ispiritun Apudyus un pituʼn kalasi kalobbongala. Ya sakon bo mamangchon si pituʼn bituwon. Ked allaya ibyegak kan chikayu. Ammuk losan cha pin-ayu koon, ya ammuk bo un lanchilameg un makatagu kayu kan Apudyus. Ngim ha katuttuwaan, isun chi lalattoy kayu kan siya ti tupokyu abus chi igew chi pammatiyu!