Luke 9:41 - Lubuagan Kalinga

⁴¹ Summongbyat si Jesus un kalala, “Chikayu un tagu si sala patunged kayu, chimma pammatiyu? Atoma iliinggewak kan chikayu ya langan-alusak kan chikayu?” Ot kalan Jesus si aman chi leɏaki, “Igetonglu alaklu utla.”

Luke 9:41 ပူးပေါင်းရင်းမြစ်များ

Matthew 11:28

Ot kalala bo, “Umali kayu kan sakon, chikayu losan un mauungeɏ ya machegchegsolan ta man-illongok chikayu.

Matthew 12:39

Ngim kalan Jesus kan chicha, “Patunged kayu lawwing un tagu si salaʼn lolap. Lan-awichenyu si Apudyus. Ipatutyuʼn mangipailaak si lakaskaschaaw, ngim lappun ipailak. Siyà abus un ipailak chi lakaskaschaaw un isun chi lakwa kan Jonah un propeta si awi.

Matthew 12:45

Ked umoy man-ayeg si pitu un kadwalaʼn aɏan un sillumawik lu siya. Ked lumlokcha ya inggewcha kan siya. Singkumaɏu un lawwik chi kasasaed chi hachiʼn tagu lu ha chamu. Katchi bo makwa kan chikayuʼn mangkaɏawing un tagu si salaʼn lolap.”

Matthew 16:4

Patunged kayu lawwing un tagu si salaʼn lolap. Lan-awichenyu si Apudyus. Ipatutyuʼn mangipailaak si lakaskaschaaw un sinyeɏ, ngim lappun ipailak. Siyà abus ipailak chi lakaskaschaaw un isun chi lakwa kan Jonah si awi.” Oli pun tilelala chicha ot ummoyon.

Matthew 17:17

Summongbyat si Jesus, “Chikayuʼn lappun pammatila ya bilobokon un tagu si sala! Mikapiga man chi iinggewak kan chikayu? Mikapiga mangan-alusak kan chikayu? Igetongyu halat un alak kan sakon.”

Matthew 23:36

Tuttuwa ibyegak kan chikayuʼn tagu si salaʼn lolap, chikayu mangikaɏu si chusan cha losan gapu si kilalawwingcha!”

Matthew 3:7

Ngim intullong pun John cha amod un Pariseo kan cha Saduceo un umoy mampabunyeg kan siya, kalala kan chicha, “Chikayuʼn lasikap un isun chi uɏog, silu langibyega kan chikayu un milisiyu chusan Apudyus lu mampabunyeg kayu?

Mark 10:14

Ngim intullong pun Jesus, summanga ot kalala kan chicha, “Palubusanyu cha aalak un umali kan sakon. Achiyu ipalit chicha, ti cha katlaʼn aalak chicha cha mipati si Mampangatan Apudyus.

Mark 10:49

Oli pun, ummillong si Jesus ot kalala, “Ayagenyu siya utla.” Ot ilayagencha hachiʼn lakuɏap un kalancha, “Matetteɏokka! Sumikedka, ti ilayagela sika.”

Mark 9:19

Summongbyat si Jesus kan chicha, “Chikayuʼn lappun pammatila! Atoma byeyegku un illiinggew kan chikayu ya atoma alusku kan chikayu?” Oli pun kalala si aman chi alak, “Igetongyu kan sakon chi halat un alak.”

Luke 8:25

Ot kalan Jesus kan cha disipulusla, “Chimma pammatiyu?” Ngim laschaawcha ya ummogyatcha ot lan-asi-imuscha, “Himmaga taguʼn alla, ulay chi byali ya challuyun ked tuttuwaoncha siya!”

Luke 9:40

Kalan amala, langkadkacheguwak kan cha disipuluslu ta peɏyawon cha aɏan kan siya ngim achipuncha makapeɏyaw.”

Luke 9:42

Ummachali pu alak kan Jesus, impat-ug chi aɏan siya si pita ot pilakinteɏegla siya. Ngim ilomeɏan Jesus chi aɏan ya pileɏyawla ot lummin-awa alak. Ot impuɏang Jesus siya kan amala.

John 14:9

Summongbyat si Jesus, “Philip, labyeyeg chi illiinggewak kan chikayu, ngim achipunlu pay laing am-ammu sakon? Ha langitullong kan sakon, intullongla bo si Amak. Puggey ibyega un ipailak si Amak kan chikayu?

John 20:27

Oli pun kalala kan Thomas, “Itullonglu imak ya appachem chi butikku. Ageylun manchuwachuwa ngim mamatika!”

Acts 13:18

Si inggewancha si lugeɏʼn lappun ummili si opat puɏuʼn tawon, ilalu-alusala chicha ya ilay-ayyuwalala chicha.

Acts 2:40

Ot achu imbyegbyegan Peter kan chicha un kalala, “Masapuɏʼn ilisiyu long-egyu si machusaan cha lawwing un tagu si salaʼn lolap.”

Romans 2:4

Willu amsiwom chi manchechegula, kilaattom ya kilaalus Apudyus? Sigulachuʼn ammum chi kilaalus Apudyus ti piolaʼn ibyabyawim cha lawwing un pin-am killingwa.

Hebrews 3:19

Ked ammu taku un achipuncha mapachasan chi lumin-awaan kan Apudyus ti achipuncha lamati kan siya.

Hebrews 4:11

Ked ipapati taku kabyeeɏan takuʼn mallak-am si lin-awa kan Siya, ta lappun mikama ulay ossaan kan chitaku si killingwan cha aappu taku gapu ta lappun pammaticha.

Hebrews 4:2

Ti chingngeɏ taku Bibiɏuʼn Chameg, un isun chi langngeɏan cha aappu taku si awi. Ngim kan chicha, lappun simbin chi chingngeɏcha ti achipuncha lamati.

Hebrews 7:25

Ked hachi gapula un kabyeeɏalaʼn malagu kan cha umacheli kan Apudyus gapu kan siya ti matatagu ing-inggala un mangiyàaɏuk kan chicha si sangwalan Apudyus.