Luke 9:32 - Lubuagan Kalinga

³² Lasusuyop cha Peter un mambubuɏun. Ngim lapalos pun, bummangoncha ot lailacha kilachayaw Jesus ya cha chuwaʼn leɏakiʼn summisiked si cheegla.

Luke 9:32 ပူးပေါင်းရင်းမြစ်များ

Mark 14:40

Kasin bo langulin ot inchesala chichaʼn lasusuyop, ti amod chi suyopcha. Ked lappun ammucha si ibyegacha kan siya.

John 1:14

Ked ha Ugud, lambyalin tagu ot illinggew kan chitaku utla pita. Amod chi kachegula ya imbyegbyegala katuttuwaan kan chitaku. Intullongmi kila-Apudyusla, kila-Apudyus chi ossaan un Alak un lampeɏpu kan amala.

John 17:24

“Ama, ha piok kan cha allaʼn impiyeɏm kan sakon ked iinggewcha kan sakon ud langit ta itullongcha kachayawak un illidchom kan sakon, ti ilay-ayatlu sakon si chaampun chi lubung makwaan.

2 Peter 1:16

Ti cha impakaammumi kan chikayu mipanggop si pallakabyelin Apu takuʼn Jesu Kristu ya mangulilala kasin, chakampun un langlangwa kami si is-istorya, ti mismuʼn illiilan cha atami lummangɏangan chi kila-Apudyusla.

1 John 3:2

Bubuɏunkuʼn ay-ayatok, aalak Apudyus chitaku si sala, ngim chaampun taku patunged maawatan chi mambyalilan taku si umaliʼn eɏgew. Ngim ammu takuʼn si mangulilan Kristu kasin, miyisu taku kan siya ti itullong takuʼn ustu-ustu kopyala.