Luke 9:31 - Lubuagan Kalinga

³¹ Malilisiling bo silupcha. Ha ilug-uggudcha mipanggop chi matoyan Jesus ud Jerusalem un malungpaɏala si losan un pion Apudyus.

Luke 9:31 ပူးပေါင်းရင်းမြစ်များ

Luke 9:22

Ot imbyegala kan chicha, “Sakon un Alak chi Tagu ked masapuɏʼn mapaligatalak ya issalak kan cha pallakayon cha Judio, cha ap-apun cha papachi ya cha mimistulun chi lintog. Ked mapatoyak, ngim lu lumaus chi tiɏuʼn eɏgew, umuliyak matagu.”

Luke 9:30

Ot lummoswa cha chuwaʼn leɏaki, cha Moses kan Elijah ot makaug-uggudcha kan Jesus.

John 1:29

Labigat pun, intullong John si Jesus un ased un umoy kan siya ot kalala, “Ilanyu, allaya keɏlilun Apudyus un mangaan kan cha byasuɏn cha tagu utla lubung!

2 Corinthians 3:18

Ked losan taku un lappun lalap-un si lupala, ipaila taku chi kilabiɏun Apu taku. Ked mipagapu si mangkawachiyan chi Ispiritu kan chitaku, mapabiɏubiɏu taku un miyisu kan siya ta patunged un siya main-an chi kilangatula.

Philippians 3:21

Ked mambyalilola cha allaʼn lakapsut un long-eg takuʼn matoy isun chi kilabiɏun chi long-egla si ummuliyala lataguwan. Ked makwalaʼn koon chi hachi gapu si pallakabyelinla un mangawis si losan ta mampaituraycha kan siya.

Colossians 3:4

Si umaliʼn eɏgew, lu mampaila si Kristu un siya tuttuwan biyegyu, ked mipati kayu bo si lumangɏangan chi kilachayawla.

Hebrews 11:22

Gapu si pammati, sakbyey un matoy si Joseph, imbyegalad chi umoyolan cha iyIsrael ud Egypt, ya imbilinla bo kooncha mipanggop si lechegla.

1 Peter 5:10

Ngim lu lagamput chi sin-akitan un malligatanyu, si Apudyus un meɏpuwan cha losan un kachegu, siya langayeg kan chikayu un mipati si mallalayun un machayawala gapu si litimpuyugenyu kan Kristu. Pakoscheɏonyu pammatiyu, pabiɏuwonyu somsomokyu ya pumingot kayu.

2 Peter 1:15

Ked kook chi kabyeeɏak taplu pasigyu sosomkon cha alla ulay magamputak matoy.

Revelation 7:14

Ot summongbyatak, “Lappun ammuk Apu, ngim sika sin-ammu.” Ot kalala bo kan sakon, “Chicha cha taguʼn lamati un lapampaligatan ud pita, un silaksakancha luputcha si chaɏan chi hachiʼn Keɏlilu, ked siya pummutilakala un kaiyaligela lauɏasan cha byasuɏcha.