Luke 9:26 - Lubuagan Kalinga

²⁶ Lu silu mabiin un mangisiked kan sakon ya ha ugudku, Sakon un Alak chi Tagu mabiilak bo un mangisiked kan siya lu mangulilak un mangipaila si kilachayawku ya kilachayaw Ama ya cha lasantuwan un angheles.

Luke 9:26 ပူးပေါင်းရင်းမြစ်များ

2 Timothy 2:12

Lu maattoman taku cha ligat, makaturay taku bo kan siya. Ngim lu puklitan taku siya, puklitala bo chitaku.

Romans 1:16

Achipulak mabiin un mangibyeygbyega si Bibiɏuʼn Chameg, ti siya pallakabyelin Apudyus un malagu kan cha losan un mamati, ked umula kan cha Judio ya siya bo kan cha Gentil.

Mark 8:38

Ti si salaʼn timpu un lappun pammatin chi kaachuwan ya amod chi kilalawwing cha tagu. Ked lu silu mabiin un mangisiked kan sakon ya ugudku, Sakon un Alak chi Tagu, mabiilak bo un mangisiked kan siya lu mangulilak un mangipaila si kilachayaw Amak un kadwaalak kan cha angheles.”

Revelation 21:8

Ngim kaog-ogyat chi mambyalagen cha ogyatan, cha lappun pammaticha, cha langwa si kabibiin, cha kapapatoy, cha pin-a makachegchegas, cha mansansalamangka, cha malaychayaw si silan-apudyus, ya cha pin-a mantuntulli, ti lappun patinggan chi iinggewancha si byeybyey un asupliʼn gumilegileb, ked hachi kalanchaʼn mikadwaʼn otoy.”

Matthew 16:27

Ti Sakon un Alak chi Tagu, mangulilak un mibiɏun cha aangheles ya ipailak chi kilachayaw Amak. Ked gunggulaak kacha tagu si cha losan un killingwala.

Matthew 25:31

Ot intuɏuy Jesus un kalala, “Sakon un Alak chi Tagu, lu umaliyak un isun chi Ari, kadwak cha losan un anghel ked maila kilachayawku. Ked mantugewak un manturay ya manguis si losan.

John 12:43

Ti pipioncha malayawan cha tagu kan chicha, lu malayawan Apudyus kan chicha.

Revelation 20:11

Oli pun intullongku bo chakeɏ ya mamputilak un aammuyan chi ari ked awed bo umaammuy. Ot lammaeg chi laumas chi allaʼn pita ya langit un lappun kasinla main-an.

Jude 1:14

Si Enoch un mikapituʼn lolap kan cha galak Adam, impadtula si awi machusaan cha kamatchiʼn tagu un kalala, “Ilanyu, umali Apu un kadwala cha kalibu-libuʼn anghelesla.

2 Timothy 1:12

Ked siya gapun chi mapampaligatak si sala. Ngim achipulak mabiin, ti ammuk un Apudyus chi pilatik ya sigulachuwok un kabyeeɏala un ayyuwalan chi impiyeɏla kan sakon inggala chumtong chi eɏgew un mangulilan Kristu kasin.

Revelation 3:5

Ked cha tagu un illogcha lawwing, isula boʼn masilupancha si mamputilak. Achipunku kaalon chi ngachencha si libluʼn lilistaan cha ngachencha losan un makatagu kan Apudyus si ing-inggala, ti siyad ibyegak si sangwalan Ama, ya cha hachiʼn anghelesla, chicha taguk.

Revelation 1:7

Somsomkonyu allaya: Kasin umali si Jesu Kristu un manggagawa si libuu, ked losan cha tagu itullong, ulay cha hachiʼn lallut-uk kan siya. Ked losan cha tagu si kaili-ili mamayogpog si ogyatcha si umaliyala ti hachi machusaancha. Ked sigulachuʼn makwa cha alla!

Galatians 6:14

Ngim kan sakon, chakampun un michayawak chi singtok, ti lappun uchum si ichayawku lu achi abus chi latoyan Apu takuʼn Jesu Kristu. Gapu si latoyala, lappun somsomokku kan cha losan un lisisigud si tagu si allaʼn pita ti patunged un lappun simbin cha kamatchi kan sakon si sala.

Matthew 26:64

Ot kalan Jesus kan siya, “Allat boʼn imbyegam. Ngim ibyegak kan chikayu, mailayu Sakon un Alak chi Tagu un umaammuy si machuwalan Apudyus un Mallakabyelin. Ya mailayu boʼn mangulilak un mibiɏun si libuuʼd langit.”

Hebrews 13:13

Ked intaku kan Jesus si lasin chi kampu ked mipati taku si libibìilala.

Hebrews 11:26

Imbilangla un lapotpotog chi makaligat gapu kan Kristu lu ha losan un kilabyaklang ud Egypt, ti lamlamaola chi gunggulan Apudyus si umaliʼn eɏgew.

2 Corinthians 12:10

Gapu kan Kristu, lappun kalala kan sakon lu lakapsutak, lu maibibiilak, lu laklak-amok cha ligat, lu mapampaligatalak, lu masuksuklutalak. Ti lu magiklak un kummapsutak, kumoscheɏak ti pakoscheɏola sakon.

John 5:44

Simma ilonyuʼn mamati kan sakon? Ti siyad singsingtonyu manchayaw cha tagu kan chikayu, ked achipunyu sington chi mangichayawan Apudus kan chikayu.

Acts 10:22

Summongbyatcha, “Si kapitan Cornelius chi langibuun kan chikami un umoy mangayeg kan sika, ti imbyegan chi anghel Apudyus kan siya un paayegla sika ta chongɏola ibyegam. Mangapudyus si Cornelius ya chaychayawola si Apudyus ya mas-oman cha Judio siya.”

1 Timothy 5:21

Timothy, bililok sika si sangwalan Apudyus ya si Jesu Kristu ya cha lachutukan un angheles ta tuttuwaom cha losan un imbyegbyegak, un lappun laksigom si tagu.