23 Ot kalala kan chicha losan, “Lu silu simpion un mitun-ud kan sakon, masapuɏ un ichuyala long-egla ked alusala ligat ulay siya matoyala ked tun-uchola sakon.
Ti lu cha pipion chi long-eg chi suɏuton taku, matoy taku un misila kan Apudyus. Ngim lu awaton taku tuɏung chi Ispiritun Apudyus ta man-awichen taku cha lawwing un pin-a taku koon, matagu taku si ing-inggala.
Kaalonyu cha lawwing un pion cha tagu utla pita un isun cha kachechegchegas ya kaisaw un somsomok. Achiyu bo ipalubus cha lawwing un pion chi long-egyu ya kilaagum, ti siya isun chi malayawan si silan-apudyus.
Ya itudtuchula kan chitaku un masapuɏʼn miyagey cha losan un lawingon Apudyus ya cha lailubungan un pipion chi long-eg. Itudtuchula bo un masapuɏʼn tingngeɏon chi long-eg ya bibiɏuwon takuʼn mangwa si pion Apudyus ya laapudyusan un ugali koon taku si katattagu taku utla pita,