16 Ot illaɏan Jesus chi limaʼn tilapay ya chuwaʼn ikan. Lantanged ud langit ot lanyaman kan Apudyus. Pilispis-igla tilapay ya ikan, ot iggalan mangatod kan cha disipulusla ta iwaɏascha kan cha tagu.
Ot imbilinla un umamuy cha tagu si komkompay. Ot illaɏala cha limaʼn tilapay ya chuwaʼn ikan ot lantanged ud langit ta manyaman kan Apudyus. Lagamput pun, pilispis-igla tilapay ot illidchola kan cha disipulusla ot inwaɏascha kan cha tagu.
Ot illaɏala pituʼn tilapay ya ikan ot lanyaman kan Apudyus. Lagamput pun, pilispis-igla ot illidchola kan cha disipulusla ot inwaɏascha kan cha amod un tagu.
Ot illaɏala bo tilapay ot lanyaman kan Apudyus, ot pilispis-igla ot illidchola kan chicha, un kalala, “Allaya long-egku un michatun para kan chikayu. Koonyu alla ta malomsomkanyu kan sakon.”
Ot illaɏan Jesus chi tilapay ot lanyaman kan Apudyus asila ot paiwaɏas kan cha amod un taguʼn ummamuy. Katchi bo killingwala si ikan. Ot langan cha inggala latlat-opcha.
Ot gummatong cha uchum un byangkaʼn lampeɏpuʼd Tiberias, si lugeɏʼn adchaliyan si langalan cha amod un tagu si tilapay si lagamput lanyaman si Apu Jesus.
Cha mangipotog si osaʼn eɏgew, kooncha un malayawancha kan Apu. Siya bo kan cha mangan si byaɏanglaʼn makan, kaloncha bo si malayawancha kan Apu ti lanyamancha kan Apudyus. Ked cha mangissan un mangan si byaɏanglaʼn makan, kooncha un malayawancha kan Apu ya manyamancha kan Apudyus.