Luke 9:10 - Lubuagan Kalinga

¹⁰ Langulin pun cha apostoles un imbuun Jesus, imbyegacha kan siya cha losan un killingwacha. Ot ilayagen Jesus chicha ta umoycha tumalin si osaʼn ili ud Bethsaida.

Luke 9:10 ပူးပေါင်းရင်းမြစ်များ

Matthew 11:21

Ot kalala, “Kadchegu kayu un iKorazin ya iBethsaida! Ti lu ud Tyre ya Sidon chi langwaak kan cha allaʼn lakaskaschaaw un isun chi killingwak kan chikayu, labyeyeg otyan un lambyabyawicha kan cha byasuɏcha, si lansilupancha si guti ya langiggaancha si chebu si uɏucha un mangipain-ancha un lambyabyawicha.

Mark 2:7

“Puggey katchi ugud chi allaʼn tagu? Iyisula ga long-egla kan Apudyus. Ti lappun makapakawan si byasuɏ ngim si Apudyus abus.”

Luke 10:17

Langulin cha hachiʼn pitumpuɏu ya chuwa un imbuun Jesus un amod chi galascha. Ot kalancha kan Jesus, “Apu, ulay cha aɏan tummuttuwacha kan chikami si pileɏyawmi chicha si ngachenlu!”

John 1:44

Si Philip ked iBethsaida un ilin cha Andrew kan Peter.

Hebrews 13:17

Tuttuwaonyu cha mangipangpangu kan chikayu ya potgonyu chicha, ti chicha mangayyuwan si biyegyu ya masapuɏn songbyatancha kan Apudyus lu killingwacha kawachicha. Tuttuwaonyu chicha ta magalasancha un mangwa si kawachicha. Lu achipunyu tuttuwaon chicha, chumauycha ya lappun maitodla si bumaɏuwanyu.