Luke 9:1 - Lubuagan Kalinga

¹ Si osaʼn eɏgew, ilayagen Jesus cha lasawaɏan si chuwaʼn disipulusla ot illidchela chicha si kilabyelin ya kalobbongan un mameɏyaw kan cha aɏan ya mampalin-awa kan cha masakit.

Luke 9:1 ပူးပေါင်းရင်းမြစ်များ

Matthew 16:19

Ked idchok kan sika tebik chi Mampangatan Apudyus ked lu silu ipalitlu utla pita, mipalit bo ud langit. Ked lu silu ipalubuslu utla pita, mipalubus bo ud langit.”

Matthew 4:24

Ked lanchilongeɏ pin-an Jesus killingwa si cha losan un iliʼd Syria. Hachi gapulaʼn lan-iyoy cha tagu kan cha losan un lasakit, un lakalakalasi sakitcha ya ligatcha, isun cha laaɏan, laketoy ya lapalalais, ot pilalin-awan Jesus chicha.

Matthew 8:9

Ti ulay sakon, awed langatngatu un mangituray kan sakon ya awed cha suɏchachuʼn iturayak. Lu ibyegak si osa, ‘Ingka,’ ked ummoy. Lu ibyegak si osa, ‘Umalika,’ ked ummali. Ked lu ibyegak si bubùulok, ‘Koom chi alla,’ ked kingwala bo.”

Luke 10:1

Lagamput ka hachi, chilutukan Apu Jesus cha pitumpuɏu ya chuwaʼn lelleɏaki. Ot silinchudwala imbuun chicha ta umun-ulacha umoy si kacha ili ya lugeɏ un simsimmokla un ayan.

Luke 10:19

Chongɏonyu! Illidchek chikayu si pallakabyelin un guschenyu uɏog ya geyyaman ya mangabyak si kabyeeɏan chi kabusuɏ. Lappun makwa kan chikayu.

John 14:12

“Tuttuwa allaʼn ibyegak kan chikayu: lu silu mamati kan sakon, koola bo cha kawachik, ya chakchakeɏ kawachila lu cha alla, ti inyak kan Amak.

Acts 1:8

Ngim lu umali Ispiritun Apudyus kan chikayu, maidchen kayu si kilabyelin un mangibyegbyega kan cha tagu mipanggop kan sakon utla Jerusalem ya losan un ili ud Judea ya Samaria ya inggala si intilun chi lubung.”

Acts 3:16

Gapu si kilabyelin chi ngachen Jesus kummoscheɏ allaʼn tagu un itutullongyu ya ammuyu. Ked gapu si pammati kan Jesus lummin-awa chi allaʼn tagu si sangwalanyu losan.

Acts 4:30

Ipailam chi kilabyelinlu ta makwaʼn man-agas kami kan cha lasakit ya koonmi cha uchum un lakaskaschaaw mipagapu si ngachen Jesus, un lappun byasuɏla un bubùulom.”

Acts 9:34

Kalan Peter kan siya, “Aeneas, palin-awaon Jesu Kristu sika! Bumangonka ya lukutom chi oboklu!” Ot labyalangon si Aeneas.