Luke 8:8 - Lubuagan Kalinga

⁸ Ngim liwagaweg cha uchum un bukeɏ si mallogway un pita. Chummakeɏcha ot lamunga cha si singgagasut.” Ot kalan Jesus, “Chongɏonyu ya somsomkonyu pion chi inyaligku un uguchon.”

Luke 8:8 ပူးပေါင်းရင်းမြစ်များ

Matthew 11:15

Chikayuʼn manchochongngeɏ, ammanyu somsomkon cha chingngeɏyu.”

Matthew 13:23

Ked ha bukeɏ un liwagaweg si mallogway un pita, isun cha taguʼn langngeɏ si ugud Apudyus ot laawatancha ot lamungacha si achu. Cha uchum mamungacha si singgagasut, cha uchum sin-oolompuɏu, ya cha uchum sintutlumpuɏu.”

Mark 4:20

Ngim cha liwagaweg si pitan mallogway, chicha cha taguʼn langngeɏ si ugud Apudyus ked tiluttuwacha. Ot lamunga pammaticha si sintutlumpuɏu, sin-oolompuɏu ya singgagasut cha uchum.”

Mark 4:23

Lu awed laingaan kan chikayu, chongɏola otyan.”

Mark 4:8

Ngim liwagaweg cha uchum un bukeɏ si mallogway un pita. Mampogos chi tummubuwancha ya chummakɏancha ot lamunga cha losan si sintutlumpuɏu bungan cha uchum, sin-oolompuɏu ya singgagasut cha bungan cha uchum.”

Mark 7:16

Chongɏonyu lu liingaan kayu.”

Luke 14:35

Lappun simbila ulay lu useɏon si man-abulu, mibyellu. Chongɏonyu lu awed ingayu.”

Luke 8:15

Cha bukeɏ un liwagaweg si mallogway un pita, chicha cha taguʼn lanchongeɏ si ugud Apudyus ot illiggacha si somsomokcha ot tiluttuwacha. Ot chummakeɏ pammaticha inggala lamunga si sin-adchu.”

Luke 8:7

Cha uchum un bukeɏ, liweɏsicha si lassi-lassi ot summimitcha. Ngim chummakeɏ pun cha lasi laaɏungcha.

Ephesians 2:10

Ti si Apudyus chi langwa si litimpuyugen taku kan Jesu Kristu. Ya pilabiɏula bo biyeg taku ta makakwa taku si bibiɏuwola, un siya gagaɏalaʼn langwaan kan chitaku ya simsimmokla un siya otyan chi koon taku.

Colossians 1:10

Ti lu katchi, matagu kayu un makaay-ayu kan Apu Jesu ya ipupuutyu un mangwa si mas-omala, ked mamunga kayu si mangkalakalasi un bibiɏuʼn koonyu ya machogchog-an cha ammuyu mipanggop kan Apudyus.

Revelation 13:9

Masapuɏʼn chongɏonyu cha alla, lu laingaan kayu!

Revelation 2:11

Chikayuʼn lainga-an, manchongeɏ kayu otyan kan cha losan un ibyegan chi Ispiritun Apudyus kan chikayu losan un mamati si kaili-ili. Ked cha taguʼn achipun paabyak si lawwing, achipuncha mipati si machusaan un maawagen maikadwaʼn otoy.’ ”

Revelation 2:7

Chikayuʼn lainga-an, manchongeɏ kayu otyan kan cha losan un ibyegbyegan chi Ispiritun Apudyus kan chikayu un mamati si kaili-ili. Ked cha taguʼn achipun paabyak si lawwing ked idchek chicha si kalintogen un mangan si bungan chi kayu un awed ud langit si inggewan Apudyus, un siya mangatod si mallalayun un biyeg.’ ”

Revelation 3:13

Chikayuʼn laingaan manchongeɏ kayu otyan kan cha losan un ibyegbyegan chi Ispiritun Apudyus kan chikayuʼn mamati si kaili-ili.’ ”

Revelation 3:6

Chikayuʼn laingaan manchongeɏ kayu otyan kan cha losan un ibyegan chi Ispiritun Apudyus kan chikayu losan un mamati si kaili-ili!’ ”