Luke 8:47 - Lubuagan Kalinga

⁴⁷ Laawatan pun chi hachiʼn byebyai un laammuwan Jesus chi kingwala, ummoy un mamaypayogpog si ogyatla ot lampalintuming si sangwalan Jesus. Si sangwalan cha tagu, imbyegala chi panggoplaʼn langapped kan Jesus ya in-ilolaʼn kakma lummin-awa.

Luke 8:47 ပူးပေါင်းရင်းမြစ်များ

Matthew 28:8

Ot kakmacha ummoyon si hachiʼn lobon. Ulay lu ummogyatcha, amod chi galascha. Ot lalodchakchaʼn umoy langibyega kan cha disipulusla.

Mark 5:33

Gapu ta ammun chi hachiʼn byebyai lakwa kan siya, ummachali un mamaypayogpog si ogyatla ot lampalintuming si sangwalanla. Ot imbyegala katuttuwaan.

Luke 8:46

Ngim kalan Jesus, “Awed langigagaɏa langapped kan sakon, ti lagiklak un lauseɏ kilabyelinku.”

Luke 8:48

Kalan Jesus kan siya, “Alakku, gapu si pammatim kan sakon lummin-awaka. Ammam umoyon ti lummin-awaka.”

Acts 16:29

Lampaaɏa hachiʼn man-aachug si silaw kan cha kadwala. Ot masaswok si inggewancha Paul kan Silas, ot lamaypayogpog un lampalintuming si sangwalancha.

1 Corinthians 2:3

Ked si illinggewak kan chikayu, gapu ta lakapsutak, lamaypayogpogak si ogyatku.

2 Corinthians 7:15

Ked laam-amod bummaɏu somsomokla kan chikayu, ti achipunla maliwatan cha galasyuʼn tummuttuwa si imbyegala, ya chalegyu ya ogyatyu si lammamangiliyu kan siya.

Philippians 2:12

Susuludkuʼn ay-ayatok, pasigyu tiluttuwa cha losan un imbyegbyegak si illinggewak kan chikayu, ked sin-umamod otyan si sala un lappulak. Ituɏuyyuʼn mangwa kan cha losan un pion Apudyus un siya ibungan chi pammatiyu inggala matungpeɏ malaguwan Apudyus kan chikayu, ibiinyu siya ya umogyat kayu otyan kan siya.

Hebrews 12:28

Ked susulud, manyaman taku kan Apudyus ti mipapatti taku si mampangatala un achipun miyug-on. Ya chayawon taku si Apudyus un lakaay-ayu kan siya un ipotog taku ya ogyatan taku siya.