Luke 8:44 - Lubuagan Kalinga

⁴⁴ Ot ummoy si ochogen Jesus ot ilappachela pegpeg chi silupla, ot kakma latatyok chi mambuɏubuɏus un chaɏala.

Luke 8:44 ပူးပေါင်းရင်းမြစ်များ

Matthew 20:34

Ot kilacheguwan Jesus chicha ot ilappachela atacha ot kakmacha lakatullong. Ot litun-udcha kan siya.

Matthew 8:3

Ot inyachawen Jesus chi imala ot ilappachela siya, un kalala, “O, Piok, lumin-awaka.” Ot kakma lakaan chi leprosyla.

Matthew 9:20

Inggew chi osaʼn byebyai un mambuɏubuɏus si lasawaɏan si chuwaʼn tawon. Ummoy si ochogen Jesus ot ilappachela pegpeg chi silupla,

Mark 6:56

Ulay lu chiluʼn lugeɏʼn ayala, iyoycha cha lasakit si maup-uppulan cha tagu, ot langkadkachegucha kan siya ta samela gey appachen cha lasakit chi sanggayachen chi anchuʼn silupla. Ot cha losan un langapped lummin-awacha.

Luke 13:13

Oli pun impatayla imala kan siya ot kakma lan-uyed ot chilaychayawla si Apudyus.

Luke 7:38

Lilumlok chi hachiʼn byebyai ot summiked si ochogen Jesus, ot lan-ibin un lantodtodtod chi luwala si chepan Jesus. Ot pilulasala si buukla ot ap-appupuyola ya kilikisla chepanla si mangipain-ala si lispitula, asila ot ibukbuk chi apɏus si chepan Jesus.

Luke 8:43

Inggew chi osaʼn byebyai un labyeyeg chi sakitlaʼn mambuɏubuɏus si lasawaɏan si chuwaʼn tawon. Gilastula losan cha kukkuwala si lampaagasalan chuktuɏ, ngim lappun makaagas kan siya.

Luke 8:45

Ilimus Jesus, “Silu langapped kan sakon?” Ngim lappun achi langisulib, ot kalan Peter, “Apu, ilam kabbo cha taguʼn manggunggulod kan sika.”

John 5:13

Ngim achipun chi leɏaki ammu lu silu lamalin-awa kan siya ti amod cha tagu ya lan-aggakaw si Jesus ummoyon.

Acts 19:12

Ti ulay chi panyu ya luput un pin-an Paul iluseɏ, lu iyoycha kan cha lasakit willu laaɏan, ked lummin-awacha ya telan cha aɏan chicha.

Acts 5:15

Gapu si kawachin cha apostoles, illiyoy cha tagu cha lasakit si kesa ya imbyelatcha chicha si katlicha ya obokcha, ti kalancha lu lumaus si Peter maaɏungancha si alliliwanla ya cha uchum ked makaan chi sakitcha.