Luke 8:2 - Lubuagan Kalinga

² litun-ud bo uchum un byebyaiʼn pileɏyaw Jesus cha aɏan un inggew kan chicha ya pilalin-awala cha sakitcha. Si Mary Magdalene chi osaʼn pileɏyaw Jesus cha pituʼn aɏan kan siya.

Luke 8:2 ပူးပေါင်းရင်းမြစ်များ

Matthew 4:24

Ked lanchilongeɏ pin-an Jesus killingwa si cha losan un iliʼd Syria. Hachi gapulaʼn lan-iyoy cha tagu kan cha losan un lasakit, un lakalakalasi sakitcha ya ligatcha, isun cha laaɏan, laketoy ya lapalalais, ot pilalin-awan Jesus chicha.

Mark 16:1

Lagamput pun chi Sabyechu un man-illongan, ngummila cha Mary Magdalene, Salome, ya Mary un ilan James si mambyangun apɏus, ta umoycha iyapɏus si lecheg Jesus.

Mark 16:9

Ked si hachiʼn bigbigat chi Chuminggu un ummuliyan Jesus lataguwan, ummula lampaila kan Mary Magdalene, siya hachiʼn lameɏyawala si pituʼn aɏan.

Luke 23:27

Amod cha taguʼn lituntun-ud kan Jesus, lipati cha uchum un byebyaiʼn sinchachauy ya sin-iibin gapu kan siya.

Luke 23:49

Ngim cha bubuɏun Jesus ya cha byebyaiʼn lituntun-ud kan siya malipud Galilee, summisikedcha si achayu akit un langoottap si losan un laklakwa kan siya.

Luke 23:55

Cha byebyaiʼn lituntun-ud kan Jesus si lampeɏpuwanchaʼd Galilee, litun-udcha kan Joseph ot intullongcha lobon Jesus ya in-ilonchaʼn langimbon si lechegla.

Luke 8:30

Ilimus Jesus kan siya, “Simma ngachenlu?” Summongbyat chi leɏapang, “Palos ti achu kami.” Ti achu-achu cha aɏan un illinggew kan siya.

John 19:25

Cha summisiked un liyaadchali si krus Jesus ked cha ilala ya sulud ilala, si Mary un asawan Cleopas ya si Mary Magdalene.

Acts 1:14

Lan-ossaaloncha langipapati un malluwalu, pati cha uchum un byebyai ya si Mary un ilan Jesus ya cha susuludla.