Luke 8:18 - Lubuagan Kalinga

¹⁸ Ammanyu chochongɏon chi ibyegak, ti ha manchongeɏ si itudtuchuk, machogchog-an chi man-aawatla. Ngim ha taguʼn achipun manchongeɏ, ulay akit un awed kan siya, miyabus makaan.”

Luke 8:18 ပူးပေါင်းရင်းမြစ်များ

Matthew 13:12

Ti ha taguʼn mamati ya maawatala tudtuchuk, machogchog-an chi palag-awatla inggala umachu man-aawatla. Ngim ha taguʼn achipun mamati, machellagus makaan chi ulay akit un laawatala.

Matthew 25:29

Ti ha mapiyeɏʼn tagu, machogchog-an chi maatod kan siya inggala masaweɏ. Ngim ha taguʼn achipun mapiyeɏan, makaan chi ulay akit un awed kan siya.

Mark 13:14

Intuɏuy Jesus un kalala, “Lu mailayu hachiʼn patunged ‘Kaog-ogyat un Manyam-an’ un sumisiked si lugeɏʼn chakampun si lobbonglaʼn inggewan. (Cha mamasa si laoy, maawatancha otyan). Ked cha inggew ud Judea, masapuɏʼn umawidcha si bibbilig.

Luke 19:26

“Ot kalala, ‘Ibyegak kan chikayu, ha taguʼn mapiyeɏ, machogchog-an chi maatod kan siya. Ngim ha taguʼn achipun mapiyeɏ, makaan ulay akit un awed kan siya.

Luke 9:44

“Somsomkonyu chi allaʼn ibyegak kan chikayu, Sakon un Alak chi Tagu ked mipuɏangak si kabyalilan cha tagu.”

John 15:2

Itetepangla pangapangon cha panga un achipun mamunga ya chuɏsala cha panga un mamunga-bunga ta umad-achu mambubungala.

Acts 10:33

Ot kakmak impaayeg sika. Ked bibiɏu ta ummalika. Si sala awed kami losan si sangwalan Apudyus ta chongɏonmi losan cha imbilin Apudyus kan sika un ibyega.”

Acts 17:11

Cha Judio ud Berea, bibiɏu ugalicha lu cha iThessalonica, ti ammancha chongɏon chi ugud Apudyus ya ileɏgew un acha-achaɏoncha ta ilancha lu tuttuwa ibyegbyegan Paul.

Romans 12:3

Gapu si kachegun Apudyus kan sakon, ibyegak cha alla kan chikayu: Masapuɏʼn kacha osa, achila ipangatu long-egla si somsomokla, ngim masapuɏʼn ammala somsomkon chi kabyeeɏala un illidchon Apudyus kan siya gapu si lamatiyala.

1 Corinthians 14:37

Ked lu awed kan chikayu mangibyegaʼn siya ked osaʼn propetan Apudyus, willu awed kalu kabyeeɏala un illidchon chi Ispiritun Apudyus, masapuɏʼn maawatala un losan cha allaʼn inggilik kan chikayu, ked bilin Apu Jesus.

1 Corinthians 3:18

Ked, ilanyu ta achiyu tuntulliyan chi long-egyu. Lu awed kan chikayu mangibilang si long-egla un lalaing un mibyaseɏ si kilalaing cha achipun mamati, masapuɏ otyan un ipabyabyala somsomokla ta koola tuttuwaʼn kilalaing un mampeɏpu kan Apudyus, ulay lu amsiwon cha tagu.

1 Corinthians 8:2

Ti ha taguʼn mamas-om si long-egla un achu kalu ammula, hachi mangipaila un tuttuwaʼn kuɏang chi ammula.

Philippians 3:4

Lu awed tagu un mantegod si kamatchi, lappun uchum lu achi abus sakon. Lu awed tagu mangibyega un mantegod matagu si ing-inggala gapu si maluttuwaala si lintog, sin-umamochak ti lappun achik killingwa si maluttuwaak si lintog.

Hebrews 2:1

Gapu ta kamatchi kilangatun chi Alak Apudyus, masapuɏʼn ipapati takuʼn popotpotan chi katuttuwaan un chingngeɏ taku ta achi taku umachayu.