Luke 8:14 - Lubuagan Kalinga

¹⁴ Cha bukeɏ un liweɏsi si lassi-lassi, chicha cha taguʼn lanchongeɏ si ugud Apudyus ngim laaɏung chi chingngeɏcha gapu si chalegcha si mataguwancha ya pionchaʼn bumaklang ya pioncha ganggalas chi lubung. Hachi mangalliw si somsomokcha kan Apudyus ked achipun chumakeɏ pammaticha.

Luke 8:14 ပူးပေါင်းရင်းမြစ်များ

Matthew 13:22

Ha bukeɏ un liweɏsi si lassi-lassi, chicha cha taguʼn langngeɏ si ugud Apudyus. Ngim machanchalagencha mipanggop si allaʼn biyeg ya pipionchaʼn bumaklang, ked hachi mangaɏung si ugud ked achipuncha mamunga.

Mark 4:19

ngim gapu si chanchaleg chi biyeg, ya gosgos chi bilaklang, ya akokos cha losan un byaleg un pioncha, laoy cha langaɏung si ugud Apudyus un chingngeɏcha, ked siya achipuncha mamungaan.

Luke 16:13

Ot kalan bo Jesus, “Lappun bubùulon un mansimbi si chuwaʼn ap-apu. Ti memeɏyed si osa ya mansasanga si osa. Ked potpotgola osa ya am-amsiwola osa. Achipun makwaʼn manchisalon un mansimbi kan Apudyus ya bilaklang.”

Luke 21:34

Intuɏuy Jesus un kalala, “Man-alled kayu ta achi kayu mikama si leɏabos un laglagsak, kakan ya in-ilum ya achi kayu paat manchaleg si kasapuɏan si biyeg. Ti magalatong chi halat un eɏgew ked achipun kayu lakasagala.

Luke 8:13

Cha bukeɏ un liweɏsi si kabyetbyetuwan, chicha cha taguʼn lanchongeɏ si ugud Apudyus ot latetteɏokcha un langawat. Ngim achipun lummamut chi ugud Apudyus si somsomokcha ti sin-akitan chi lamatiyancha. Chillumtong pun chi masuklutancha, inyageycha.

Luke 8:15

Cha bukeɏ un liwagaweg si mallogway un pita, chicha cha taguʼn lanchongeɏ si ugud Apudyus ot illiggacha si somsomokcha ot tiluttuwacha. Ot chummakeɏ pammaticha inggala lamunga si sin-adchu.”

Luke 8:7

Cha uchum un bukeɏ, liweɏsicha si lassi-lassi ot summimitcha. Ngim chummakeɏ pun cha lasi laaɏungcha.

John 15:6

Lu achipun chi tagu iinggew kan sakon, mibyellu siya un isun chi pangan lasopɏak. Lu meɏangu panga, uppuloncha ya soggoncha.

1 Timothy 6:17

Timothy, bililom cha byabyaklang utla lubung ta achicha is-iskeɏ ya achicha mallamlama si kilabyaklangcha un sin-akitan chi maumasala. Ngim si Apudyus chi mallamlamaancha, un mangato-atod kan cha losan un kasapuɏan taku ta gumalasan taku.

2 Timothy 4:10

Ti tilelalak kan Demas ti pipiola cha lailubungan ked ummoy ud Thessalonica. Ked si Crescens, ummoy ud Galatia, ya si Titus, ummoy ud Dalmatia

Hebrews 6:1

Ked achi taku ipuputput chi chamchamuʼn tudtuchu mipanggop kan Kristu ngim ituɏuy taku achaɏon chi lachaɏom un tudtuchu ta chumakchakɏan chi pammati taku. Achipun masapuɏʼn ikasikasin taku achaɏon chi puun chi pammati taku un isun chi mambyabyawiyan si lawwing un pin-a taku koon ya in-ilon taku un mamati kan Apudyus,