Luke 8:10 - Lubuagan Kalinga

¹⁰ Kalala, “Impatagammuk kan chikayu chi palimod chi Mampangatan Apudyus. Ngim cha uchum un tagu, iyaligkun mantudtuchu kan chicha. Ti ulay itutullongcha, achipuncha maila ya ulay chochongɏoncha, achipuncha maawatan.”

Luke 8:10 ပူးပေါင်းရင်းမြစ်များ

Matthew 11:25

Oli pun lalluwalu si Jesus un kalala, “Ama, un Ap-apu ud langit ya pita, manyamalak kan sika, ti impakaammum chi katuttuwaan kan cha achipun lakaacheɏ un inlimodlu kan cha masisilib ya cha lakaacheɏ.

Matthew 16:17

Ot kalan Jesus kan siya, “Pianka, Simon un alak Jonah, ti chakampun si tagu langipakaammu kan sika ngim si Amak ud langit.

Mark 4:11

Ot kalala kan chicha, “Impatagammuk kan chikayu chi palimod mipanggop si Mampangatan Apudyus. Ngim kan cha uchum un achipun mamati, pangngalig chi mitudtuchu kan chicha,

Mark 4:12

‘Ti ulay itutullongcha, achipuncha maila. Ya ulay chochongɏoncha, achipuncha maawatan. Ta lu somsomkoncha, ked maawatancha, mansagungcha kan Apudyus ked pakawalola chicha.’ ”

John 12:40

“Kiluɏap Apudyus chicha ya pilatangkinla cha somsomokcha ta achipuncha mailasin chi katuttuwaan ya achipuncha maawatan ya achipun mangulin kan sakon, ta lu mansagungcha kan Apudyus, pakawalola cha byasuɏcha.”

Romans 16:25

Ked machaychayaw si Apudyus! Ti alla pallakabyelinla un mampakoscheɏ si pammatiyu un tumimbuɏuy si Bibiɏun Chameg un ibyegbyegak mipanggop kan Jesu Kristu. Hachiʼn chameg un litataɏu lalipud si awi, ked sala mipakaammuwala.

1 Corinthians 12:11

Losan cha katchi un kabyeeɏan, lappun sabyali un lampeɏpuwancha lu achi abus chi Ispiritun Apudyus. Illidchela kacha osaʼn lamati lu silu piolaʼn idchon kan chicha.

Colossians 2:2

Ti ha piok un para kan chikayu losan, masegeg chi somsomokyu kan meeɏot chi mantitimpuyugenyu gapu si ayatyu, ya maplucha si kilabyaklang chi lamlama un idchon chi ustu-ustuʼn man-aawatyu. Ya ammuwoncha litataɏuʼn panggop Apudyus un mipanggop kan Kristu.

1 Timothy 3:16

Lappun miyisuwan chi lipaila un katuttuwaan mipanggop kan Jesu Kristu un pilati taku, ti lambyalin siya tagu, ya pilaloklokan chi Ispiritu kilabiɏula ya illilan cha angheles Apudyus siya. Libyegbyega mipanggop kan siya si kaili-ili ya pilatin cha achuʼn tagu siya utla pita, ya lipangatuʼd langit ta machayaw.