Luke 8:1 - Lubuagan Kalinga

¹ Lapalos pun, ummoy si Jesus si cha kaili-ili un lambyegbyega si Bibiɏuʼn Chameg mipanggop si Mampangatan Apudyus. Kilabuɏogla lasawaɏan si chuwaʼn disipulusla,

Luke 8:1 ပူးပေါင်းရင်းမြစ်များ

Matthew 11:1

Gilamput pun Jesus bililin cha lasawaɏan si chuwaʼn disipulusla, ummoyon ot ummoy lantudtuchu ya lambyegbyega si Bibiɏuʼn Chameg si cha ili-iliʼn adchaliyan.

Matthew 13:19

Ha bukeɏ un liweɏsi si chaɏan, chicha cha taguʼn langngeɏ mipanggop si Mampangatan Apudyus, ngim achipuncha maawatan. Ot ummoy Satalas kilaan chi chingngeɏcha un ugud si somsomokcha.

Matthew 4:23

Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Matthew 9:35

Ot lilikwos Jesus cha ili-ili un lantudtuchu ud cha sinagoga. Imbyegbyegala Bibiɏuʼn chameg mipanggop si Mampangatan Apudyus ya pilalin-awala bo cha losan un kalasin cha saksakit cha tagu ya sigeb chi long-egcha.

Mark 1:39

Ot ummoy si Jesus si losan un iliʼd Galilee, lambyegbyega kan cha tagu si sinagoga ya pileɏyawla cha aɏan si cha taguʼn laaɏan.

Luke 1:80

Ked hachiʼn alakcha chummakeɏ, pummigsa pammatila kan Apudyus. Ot ummoy si John illinggew si lugeɏʼn lappun ummili inggalaʼd chillumtong chi timpuʼn mallugiyalaʼn mantudtuchu kan cha galak Israel.

Luke 20:1

Osaʼn eɏgew pin-a mantudtuchu si Jesus kan cha tagu si templo ya ibyegbyegala Bibiɏuʼn Chameg. Ummoy kan siya cha ap-apun cha papachi ya cha mimistulun chi lintog ya cha pallakayon cha Judio.

Luke 4:18

“Awed kan sakon chi Ispiritun Apudyus ti chilutukalak kan siya un mangibyegbyega si Bibiɏuʼn Chameg kan cha kapus. Imbuulak un mangibyega kan cha tagu un isun chi libyaɏud un mawayawayaancha ya cha taguʼn isun chi lakuɏap makatullongcha kasin ya cha lapaligatan un makalin-awaancha.

Luke 9:6

Ot ummoyoncha ot ummoycha gilakgakay cha ili-ili un langibyegbyega si Bibiɏuʼn Chameg kan cha tagu ya lampalin-awa kan cha lasakit.

Acts 10:38

Ya ammuyuʼn chilutukan Apudyus si Jesus un iNazareth ya illidchola Ispiritula ya kilabyelinla kan Jesus ta ulay silu ayala pin-a langwa si bibiɏu ya pin-a lampalin-awa kan cha losan un pilaligatan chimunyu ti awed si Apudyus kan siya.

Acts 13:32

“Hachi ummaliyanmi ta ibyegbyegami kan chikayu chi bibiɏuʼn chameg un ingkarin Apudyus kan cha chachakkeɏ taku,

Romans 10:15

Ked silu bo umoy mangibyega lu lappun mibuun? Ti kalan chi liigiliʼn ugud Apudyus, “Bibiɏu ta alla cha umali mangibyega si Bibiɏuʼn Chameg!”