Luke 7:9 - Lubuagan Kalinga

⁹ Laschaaw si Jesus si chingngeɏla ot lasalagung kan cha amod un taguʼn lituntun-ud kan siya ot kalala, “Ibyegak kan chikayu, lappun inchesak si kamatchi pammatila si losan un galak Israel.”

Luke 7:9 ပူးပေါင်းရင်းမြစ်များ

Matthew 15:28

Ot kalan Jesus kan siya, “Byebyai, lapigsa pammatim! Matungpeɏ lait un chawchawatom.” Ot kakma lummin-awa alaklaʼn byebyeɏasang.

Matthew 8:10

Laschaaw si Jesus si chingngeɏla imbyegan chi kapitan, ot kalala kan cha taguʼn lituntun-ud kan siya, “Tuttuwa ibyegak kan chikayu, lappun inchesak si kamatla kapigsan chi pammatila, ulay kan cha taguʼd Israel.

Matthew 9:33

Pileɏyaw pun Jesus chi aɏan, gumminga hachiʼn leɏaki. Laschaaw cha amod un tagu ot kalancha, “Lappun illila takù katlaʼn lakwaʼd Israel!”

Luke 7:10

Langulin pun cha hachiʼn libuun si byeɏoy chi kapitan, inchesanchaʼn lummin-awa bubùulola.

Luke 7:50

Kalan bo Jesus si hachiʼn byebyai, “Gapu si pammatim kan sakon, matataguka. Ingkan mallin-awaka.”

Luke 7:8

Ti maawatak chi mipanggop si kalobbongan, ulay sakon un kapitan, masapuɏʼn tuttuwaok chi ibyegan chi ap-apuk. Katchi bo cha suɏchachun iturayak, tuttuwaoncha ibyegak, ti lu ibyegak si osa, ‘Ingka,’ ked ummoy, ked lu ibyegak si osa, ‘Umalika,’ ked umali. Ked lu ibyegak si bubùulok, ‘Koom chi alla,’ ked kingwala bo.”