Luke 7:42 - Lubuagan Kalinga

⁴² Ot gapu ta achipuncha makabyayed, pilakawanla chicha si utangcha. Awed chi imusok kan sika, kan cha chuwaʼn lan-utang, silu chakchakeɏ ayatla si hachiʼn lampautang?”

Luke 7:42 ပူးပေါင်းရင်းမြစ်များ

Colossians 3:13

Alusanyu ituɏged cha susuludyu ya lu awed makabyasuɏ kan chikayu, manpillakawan kayu, un isun chi lampapakawan Apu Jesu Kristu kan chikayu, ked masapuɏʼn pakawalonyu cha uchum.

Ephesians 4:32

ngim ha koonyu otyan, man-asiillalus kayu ya man-asikachegu kayu. Ya masapuɏ boʼn man-asipillakawan kayu un isun chi lamakawalan Apudyus kan chikayu mipagapu kan Kristu.

Ephesians 1:7

Gapu si latoyan Kristu, un libukbukan chi chaɏala, lawayawayaan taku ya lapakawan cha byasuɏ taku. Ked allaya main-an chi amod un kachegula

Galatians 3:10

Ked losan un mallamlama un awaton Apudyus siya gapu si malungpaɏala si lintog, ked machusacha si ing-inggala un inggilin Moses. Kapilitan un machusa, ti ha liigili si ugud Apudyus, kalala, “Losan un achipun tumuttuwa si ulay ossaan un lintog Apudyus un inggilin Moses, machusa cha ing-inggala.” Mismuʼn Apudyus chi langibyega si hachi, ked awed kamman tagu si ilaminla tiluttuwa lintog?

Romans 5:6

Ti hachi ustuʼn timpu un pililiyan Apudyus un lappun pay laing kabyeeɏan taku, latoy si Kristu gapu kan chitaku un malagbyasuɏ.

Romans 3:24

Ngim gapu si kachegula un insagutla kan chitaku un libli, ibilang Apudyus chitaku lalintog gapu si killingwan Jesu Kristu un lansaka kan chitaku.

Matthew 18:34

Ot summanga Ari ot impaibyaɏudla siya ta mapaligatan inggala mabyayachela losan un utangla.”

Matthew 6:12

Ya pakawalom cha byasbyasuɏmi, ti pilakawanmi bo cha lakabyasuɏ kan chikami.

Matthew 18:27

Ot kilacheguwan chi Ari siya ya liwayawayaala siya ot pilakawanla cha losan un utangla.

Luke 7:43

Kalan Simon, “Ha taguʼn ad-achu lapakawan un utangla.” Ot kalan Jesus kan siya, “O, siya, tuttuwa kalam.”