Luke 7:39 - Lubuagan Kalinga

³⁹ Ngim intullong pun chi Pariseo kingwan chi byebyai, kalala si somsomokla, “Lu gettok un propeta si Jesus, ammula otyan chi kilatatagun chi byebyai un mangap-appupuy kan siya, ked ilomeɏala.”

Luke 7:39 ပူးပေါင်းရင်းမြစ်များ

Matthew 20:16

Oli pun kalan Jesus, “Cha labyabya si salaoy, chicha mipangatu si umaliʼn eɏgew. Ked cha langatu si salaoy, chicha mibyabya si umaliʼn eɏgew.”

Matthew 21:11

Ot summongbyat cha amod un tagu un kalancha, “Siya si Jesus un propetan Apudyus un lampeɏpuʼd Nazareth si probinsiya ud Galilee.”

Mark 7:21

Ti somsomok chi tagu meɏpuwan cha lawwing un kopya, un isun chi kilagatkat, chegchegas, akaw, pumatoy,

Luke 12:17

Lansomsomok siya ot kalala, ‘Simman li kook? Ti kuɏang chi mangiponpolak si achuʼn apitku.’

Luke 15:2

Sin-iingok cha Pariseo ya mimistulun chi lintog un kalancha, “Awaton chi taguʼn alla cha malagbyasuɏ ya lakakan bo kan chicha.”

Luke 16:3

“Simsimmok chi man-aayyuwan lu silu ustuʼn koola. Ot kalala, ‘Simma ga kook ti allaʼn kaalolak si ap-apuk? Chakpun ammuʼn mamayaw ya mabiilak un mampalimus.

Luke 18:4

“Labyeyeg un achipun chi kuis ilas-asikasu siya, ngim si alungusla kalala si somsomokla, ‘Ulay lu lappun ogyatku kan Apudyus ya lappun kabibìilak kan cha tagu,

Luke 3:8

Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu. Achiyu kalan un, gapu ta galak chikayu kan Abraham, milisiyu kachusaanyu kan Apudyus. Lappun katuttuwaan chi hachi. Ibyegak kan chikayu un makwaʼn mambyalilon Apudyus cha byetuʼn alla si galak Abraham.

Luke 7:16

Ot ummogyat losan cha langitullong ot chilaychayawcha si Apudyus, un kalancha, “Lummoswa kan chitaku osaʼn langatun propeta. Ummali Apudyus ta taguwola cha tagula!”

Luke 7:37

Inggew bo si hachiʼn ili osaʼn byebyaiʼn malagbyasuɏ. Chingngeɏla pun un awed si Jesus un mangan si byeɏoy chi Pariseo, ummoy ot langawit si apɏus un mambyangu un inggew si bilatuʼn angang un ngadloncha alabaster.

Luke 7:38

Lilumlok chi hachiʼn byebyai ot summiked si ochogen Jesus, ot lan-ibin un lantodtodtod chi luwala si chepan Jesus. Ot pilulasala si buukla ot ap-appupuyola ya kilikisla chepanla si mangipain-ala si lispitula, asila ot ibukbuk chi apɏus si chepan Jesus.

Luke 7:40

Hachi ked gumminga si Jesus ot kalala si hachiʼn Pariseo, “Simon, awed chi ibyegak kan sika.” Kalan Simon, “O, simma ibyegam Apu?”

John 4:19

Ot kalan chi byebyai kan Jesus, “Apu, ammuk un propetaka.

John 7:12

Achu cha ug-uggud cha amod un tagu mipanggop kan siya. Kalan cha uchum, “Siya bibiɏu un tagu.” Ngim kalan cha uchum, “Chakampun, ti allilawola cha tagu.”

John 9:24

Oli pun impidwa cha ilayagen chi leɏakiʼn lakaan chi kuɏapla ot kalancha kan siya, “Isapatam si sangwalan Apudyus un ibyegam chi katuttuwaan! Ammumiʼn malagbyasuɏ hachiʼn tagu!”