Luke 7:29 - Lubuagan Kalinga

²⁹ Chingngeɏn pun cha losan un tagu ya cha manchachagup si bugis chi imbyegan Jesus, biligbigcha pion Apudyus ked ustu, ot lampabunyegcha kan John.

Luke 7:29 ပူးပေါင်းရင်းမြစ်များ

Matthew 5:46

Kalanyu lin un lu siyad ay-ayatonyu cha mangay-ayat kan chikayu, gunggulaan Apudyus chikayu? Lai, ti ulay bo cha manchachagup si bugis katchi bo kokòoncha.

Luke 20:6

Ngim lu kalan takuʼn, ‘Leɏpud chi tagu,’ bintukon chitaku kan cha taguʼn alla, ti mamati cha losan un propetan Apudyus si John.”

Luke 3:12

Ummoy bo cha uchum un manchachagup si bugis mampabunyeg kan John, ot ilimuscha, “Mistulu, himma koonmi?”

Luke 7:28

Tuttuwa ibyegak kan chikayu un lappun tagu un liyalak utla pita un langatngatu lu John. Ngim lu silu kabyabyaan si Mampangatan Apudyus, mibilang un langatngatu lu John.”

Luke 7:35

Ngim ulay lu katchi, losan cha mamati kan Apudyus, chicha ustuʼn mangipaila si tuttuwaʼn kilalaing Apudyus.”

Acts 18:25

Laachaɏan siya mipanggop kan Apu Jesus ya mallagpot un man-ugud ya lappun mangkuɏangan chi mantutudtuchula mipanggop kan Jesus. Ngim abus chi lambunyagen John si ammula.

Acts 19:3

Ot ilimus Paul, “Simma tudtuchu un siluɏutyu si labunyagen kayu?” Kalancha, “Ha tudtuchun mipanggop si bunyeg un insuɏun John.”

Romans 10:3

Ti achipuncha ammu in-ilon Apudyus un mangipalintog si tagu. Ot pilachaschaʼn mampalintog si uwachaʼn somsomok un maluɏut si lintog, ked achipuncha itimbuɏuy si kopyaʼn simsimmok Apudyus.

Revelation 15:3

Ot kilankantacha kantan Moses un lansimbi kan Apudyus si awi, ya kantan chi Keɏlilu. Kamatla kilantacha: “Sikan Apu un Apudyus un Mallakabyelin, lappun miyisuwan cha losan un killingwam un patunged kaskaschaaw! Sika Arin cha losan un tagu si lubung, patunged ustu-ustu ya pasig tuttuwa cha losan un kachawiyam!

Revelation 16:5

Ot si hachi, chingngeɏk chi imbyegan chi anghel un simbiyang si chelum, un kalala, “Apudyus un lappun miyisuwan chi kilabiɏum, ya sigud un illinggewka si chamchamun cha losan ya iinggewka bo si ing-inggala, gettok un lalintog ya ustu-ustu manchuchusam kan cha tagu!