Luke 7:22 - Lubuagan Kalinga

²² Ot silongbyatan Jesus chicha, kalala, “Mangulin kayu kan John, ibyegayu kan siya cha intullongyu ya chingngeɏyu un killingwak. Cha lakuɏap, makatullongcha, cha lapilay, makatidchaɏancha, cha laleprosy lakalin-awaancha, cha latuɏong, makadngeɏcha, cha latoy, latagu cha kasin. Ked cha kakapus, mibyegbyega kan chicha Bibiɏuʼn Chameg.

Luke 7:22 ပူးပေါင်းရင်းမြစ်များ

Matthew 11:5

Cha lakuɏap makatullongcha, cha lapilay makatidchaɏancha, cha lakuteɏ lapapeɏkascha, cha latuɏong makadngeɏcha, cha latoy ummulicha latagu ya mibyegbyega Bibiɏuʼn Chameg kan cha kakapus.

Matthew 21:14

Oli pun ummoy cha lakuɏap ya cha lapilay kan Jesus si templo ot pilalin-awala chicha.

Luke 4:18

“Awed kan sakon chi Ispiritun Apudyus ti chilutukalak kan siya un mangibyegbyega si Bibiɏuʼn Chameg kan cha kapus. Imbuulak un mangibyega kan cha tagu un isun chi libyaɏud un mawayawayaancha ya cha taguʼn isun chi lakuɏap makatullongcha kasin ya cha lapaligatan un makalin-awaancha.

Luke 7:21

Si hachiʼn uras un gummatngancha, pilalin-awan Jesus cha achuʼn taguʼn lakalakalasi sakitcha ya pin-ala bo pileɏyaw cha aɏan un inggew si uchum, ya cha lakuɏap ked makatullongcha.

Luke 7:23

Ked ibyegayu bo kan siya un pian chi taguʼn achipun manchuwachuwa pammatila kan sakon.”

John 1:46

Ilimus Nathanael, “Awed kamman bibiɏù tagù lampeɏpuʼd Nazareth?” Ot kalan Philip, “Umalika ta inta itullong.”

Acts 26:18

Ibuunku sika kan chicha ta maammuwancha katuttuwaan ta masilawan cha somsomokcha ya man-awichencha lawwing ya mansagungcha si padcha. Man-awichencha pallakabyelin Satalas ked mansagungcha si pallakabyelin Apudyus ta mamaticha kan sakon, ked mapakawan cha byasbyasuɏcha ya mibilangcha kan cha chilutukan Apudyus un tagula.’ ”

Acts 8:7

Pileɏyawla cha aɏan un inggew kan cha achuʼn tagu ot ummak-akikis cha aɏan un lummawa ya achu cha lapalalais ya lapilay un lummin-awa.

James 2:5

Chongɏonyu, susuludkuʼn ay-ayatok. Siya chilutukan Apudyus cha kakapus un tagu si allaʼn lubung un byaklang si pammati ya chicha mipati si mampangatala un siya ingkarila kan cha mangay-ayat kan siya.