Luke 7:2 - Lubuagan Kalinga

² Udchi illinggew chi osaʼn kapitan cha susuɏchachu un iRome. Lasakit ya mamattoyon chi potpotgolaʼn bubùulola.

Luke 7:2 ပူးပေါင်းရင်းမြစ်များ

Matthew 27:54

Ummogyat chi kapitan ya cha susuɏchachula un lambyebyentay kan Jesus si laliklacha chita ya intullongcha losan un lakwa. Ot kalancha, “Tuttuwaʼn Alak Apudyus siya.”

Luke 23:47

Intullong ked chi kapitan cha susuɏchachu laklakwa, chilayawla Apudyus, un kalala, “Tuttuwaʼn lappun byasuɏ chi taguʼn alla!”

Luke 7:1

Gilamput pun Jesus chi intudtuchula kan cha tagu, ummoy ud Capernaum.

Luke 7:3

Chingngeɏn pun chi kapitan un awed si Jesus, imbuunla cha uchum un pallakayon cha Judio ta ayagencha si Jesus ta umoyla palin-awaon chi bubùulola.

Luke 8:42

ti mamattoyon chi os-osaan un alaklaʼn byebyai, un mantawon si simpuɏu ya chuwa. Ot litun-ud si Jesus, litun-ud bo cha amod un tagu kan siya ot ilalibungbungancha.

Acts 10:1

Ud Caesarea awed chi osaʼn leɏakiʼn mangngachen Cornelius, kapitan cha singgasut un suɏchachu un Romano un kalanchaʼn “Kumpanyan chi Italia.”

Acts 10:7

Ot ummoyon pun chi anghel, ilayagen Cornelius cha chuwaʼn bubùulola ya osaʼn mangapudyus un suɏchachu un lansimsimbi kan siya.

Acts 22:26

Chingngeɏn pun chi kapitan chi hachi, ummoyla imbyega kan komander. Kalala, “Man-alledka si koom si allaʼn tagu, ti osa siya un Roman.”

Acts 23:17

Ot ilayagen Paul chi osaʼn kapitan ot kalala, “Kewam ta iyoylu yan chi allaʼn bumaru kan komander, ti awed chi ibyegala kan siya.”

Acts 27:1

Chillumtong pu eɏgew un ingkami kan cha Paul ud Italy. Impuɏangcha si Paul ya cha uchum un byaɏud kan Julius un kapitan cha susuɏchachuʼn ngadlonchan, “Man-aachug kan Emperador.”

Acts 27:3

Labigat pun, lanchegas kami ud Sidon. Ot kummachegu si kapitan Julius kan Paul ot impalubusla siya un umoy manggeggakay kan cha gagayyomla ta idchencha siya si kasapuɏala.

Acts 27:43

Ngim impalit chi kapitan, ti piolaʼn matagu si Paul. Ot imbilinla kan cha sin-ammun mangkiyat ta lumayugcha si byeybyey ta umulacha umoy si igid.

Colossians 3:22

Chikayuʼn musassu, masapuɏʼn tuttuwaonyu cha losan un ibyegan cha apuwonyu utla pita. Chakampun un abus chi allaancha mangwaanyu si pakwacha ta mas-omcha kan chikayu. Ngim koonyu si tuttuwaʼn somsomokyu gapu si mangibiilanyu kan Apu Jesus.