Luke 7:16 - Lubuagan Kalinga

¹⁶ Ot ummogyat losan cha langitullong ot chilaychayawcha si Apudyus, un kalancha, “Lummoswa kan chitaku osaʼn langatun propeta. Ummali Apudyus ta taguwola cha tagula!”

Luke 7:16 ပူးပေါင်းရင်းမြစ်များ

Matthew 15:31

Laschaaw cha hachiʼn amod un tagu si intullongchaʼn makaginga cha laumeɏ, kummoscheɏ cha laasimbyachu, makatidchaɏan cha lapilay ya makatullong cha lakuɏap. Ot chilaychayawcha Apudyus chi Israel.

Matthew 21:11

Ot summongbyat cha amod un tagu un kalancha, “Siya si Jesus un propetan Apudyus un lampeɏpuʼd Nazareth si probinsiya ud Galilee.”

Matthew 28:8

Ot kakmacha ummoyon si hachiʼn lobon. Ulay lu ummogyatcha, amod chi galascha. Ot lalodchakchaʼn umoy langibyega kan cha disipulusla.

Matthew 9:8

Intullong pun cha amod un tagu lakwa, laschaawcha ya ummogyatcha, ot chilaychayawcha si Apudyus un langatod si kamatchiʼn kalobbongan kan cha tagu.

Luke 1:65

Ot laschaaw losan cha cheegcha ot lanchilongeɏ cha laoy si kabibbiligen un ili ud Judea.

Luke 1:68

“Chayawon taku si Apudyus un Apu taku un galak Israel, ti ummali siya un manwayawaya kan chitakuʼn tagula.

Luke 19:44

Amiloncha yam-alon chi iliyu ya losan un taguʼn inggew. Amiloncha iwakat cha byetu ta lappun matelan si igewla, ti achipunyu biligbig chi timpuʼn umaliyan Apudyus malaguwan kan chikayu!”

Luke 2:20

Ot langulin cha hachiʼn man-aayyuwan si peppeyeg un chilaychayawcha si Apudyus gapu si losan un ladngeɏcha ya intullongcha, ti tuttuwaʼn lakwa losan chi imbyegan chi anghel kan chicha.

Luke 24:19

Kalan Jesus, “Simma lakwa?” Ot kalancha kan siya, “Ha lakwa kan Jesus un iNazareth. Siya ked propeta un imbilang Apudyus ya losan un tagu un mallakabyelin un mantudtuchu ya mangwa si lakaskaschaaw.

Luke 5:26

Laschaaw cha losan un langitullong ya ummogyatcha. Ot chilaychayawcha si Apudyus un kalancha, “Lappun miyisuwan chi intullong taku si salaʼn eɏgew.”

Luke 5:8

Intullong pun Simon Peter chi lakwa, lampalintuming si sangwalan Jesus, ot kalala, “Apu, telam sakon ti malagbyasuɏak!”

Luke 7:15

Ot bummangon chi latoy ot gumminga, ot impuɏang Jesus siya kan ilala.

Luke 7:39

Ngim intullong pun chi Pariseo kingwan chi byebyai, kalala si somsomokla, “Lu gettok un propeta si Jesus, ammula otyan chi kilatatagun chi byebyai un mangap-appupuy kan siya, ked ilomeɏala.”

Luke 8:37

Ot langkadkachegu cha tagu kan Jesus ta telala hachiʼn ilicha ti amod chi ilogyatcha. Ot lambyangkacha Jesus ummoyon.

Luke 9:19

Kalan cha uchum, “Sika si John un Mambubunyeg. Kalan cha uchum un sika si Elijah, ked cha uchum, kalancha un sika osaʼn propeta si awi un ummuli latagu.”

John 1:21

Ot ilimuscha kan siya, “Siluka lù? Ha sika si Elijah?” Ot kalala, “Lai, chakampun un sakon.” Ot ilimuscha kasin, “Ha sika propeta?” Ot summongbyat un kalala, “Lai.”

John 1:25

ilimuscha, “Lu chakampun un sika chi Kristu willu Elijah willu propeta, puggey pin-a mambunyeg lù?”

John 4:19

Ot kalan chi byebyai kan Jesus, “Apu, ammuk un propetaka.

John 6:14

Intullong pun cha tagu chi lakaskaschaaw un killingwan Jesus, kalancha, “Lappun chuwachuwalaʼn laoy chi propetaʼn umali utla lubung!”

John 9:17

Ot kasin cha bo ilimus si hachiʼn tagu, “Simma mibyegam mipanggop kan siya ti allaʼn kilaanla kuɏaplu lù?” Insongbyatla, “Osaʼn propeta siya.”

Acts 5:5

Chingngeɏn pun Ananias chi imbyegan Peter, kakma latuwang ot latoy. Oli pun ummali cha uchum un bumaru ot bilussungcha lechegla si luput ot illawacha ummoy illobon siya. Ot amod chi ogyat cha losan un inggew si intullongchaʼn lakwa kan siya.

Acts 7:37

Si Moses mismu langibyega kan cha taguʼd Israel, ‘Si umaliʼn eɏgew awed chi propeta un isuk un ibuun Apudyus kan chikayu. Osa siya un lampeɏpu kan chitakuʼn galak Israel.’

Galatians 1:24

Ot chilaychayawcha si Apudyus gapu kan sakon.