Luke 7:13 - Lubuagan Kalinga

¹³ Intullong pun Jesus chi labyaɏu, kilacheguwala siya ot kalala, “Achika man-ibi-ibin.”

Luke 7:13 ပူးပေါင်းရင်းမြစ်များ

Mark 8:2

“Macheguwak gey kan cha taguʼn alla, ti latiɏun eɏgew chi illiinggewancha kan sakon ked lappun kaloncha.

Luke 10:1

Lagamput ka hachi, chilutukan Apu Jesus cha pitumpuɏu ya chuwaʼn lelleɏaki. Ot silinchudwala imbuun chicha ta umun-ulacha umoy si kacha ili ya lugeɏ un simsimmokla un ayan.

Luke 11:1

Si osaʼn eɏgew, ummoy lalluwalu si Jesus si osaʼn lugeɏ. Ot lagamput pun, kalan chi osaʼn disipulusla kan siya, “Apu, tudtuchuwam u chikami un malluwalu un isun chi intudtuchun John kan cha disipulusla.”

Luke 11:39

Ot kalan Apu Jesus kan siya, “Chikayuʼn Pariseo, peɏpeɏkasonyu lasin chi tasayu ya paklaanyu, ngim ha somsomokyu laplu si kilaagum ya kilalawwing.

Luke 12:42

Ot kalan Apu Jesus un lan-alig, “Silu chi mapiyeɏ ya lasilib un bubùulon? Siya chilutukan chi ap-apulaʼn mangayyuwan si byeɏoyla ya mangatod kan cha uchum un bubùulon si kaloncha si ustuʼn timpu.

Luke 13:15

Silongbyatan Jesus siya un kalala, “Chikayuʼn aginpapati! Ulay Sabyechu lu mauwaw chi byakayu willu kabyayuyu, pailumanyu.

Luke 17:5

Kalan cha apostoles kan Apu Jesus, “Pakoscheɏom u pammatimi.”

Luke 17:6

Summongbyat si Jesus, “Lu awed pammatiyu un isun chi kapaat un bukeɏn chi mustasa, makwaʼn kalanyu si allaʼn kayuʼn sikamuru, ‘Mabyagutka ked limuɏaka si byeybyey.’ Ked tuttuwaon chikayu.”

Luke 18:6

Ot kalan Apu Jesus, “Chongɏonyu ked chi imbyegan chi lawwing un kuis.

Luke 19:8

Summiked si Zacchaeus ot kalala kan Apu Jesus si sangwalan cha tagu, “Apu, idchok chi godwan chi kukkuwak kan cha kapus ked lu awed iluyungak si tagu, mangampatok byayachen kan siya.”

Luke 22:61

Lantuwili si Jesus ot itotokkeɏla si Peter. Ot simsimmok Peter chi imbyegan chi Apu kan siya un kalala, “Sakbyey un malullakuk chi kawitan si salaʼn labi, mamitluwom sakon puklitan.”

Luke 24:3

Ot lillumlokcha ngim lappun inchesancha si lecheg Apu Jesus.

Luke 24:34

Ot kalancha, “Tuttuwaʼn ummuli latagu si Apu Jesus! Lampaila kan Simon!”

Luke 7:12

Ummachalicha pun si liwangan chi hachiʼn ili, ilabotcha cha amod un taguʼn lakabuɏog si osaʼn labyaɏu un umoycha mallobon si os-osaan un alaklaʼn bumaru.

Luke 7:14

Oli pun ummachali si Jesus ot ummoyla ilappachen chi lungun ot ummillong cha lamubukud. Ot kalala, “Bumaru, bumangonka!”

Luke 7:19

ot imbuunla chicha ta umoycha imuson kan Apu Jesus, “Sika kamma hachiʼn ingkarin Apudyus un umali willu man-uway kamì sabyali?”

Luke 8:52

Losan cha taguʼn inggew, sin-iibincha ya silalangchucha. Ngim kalan Jesus kan chicha, “Achi kayu man-ibin, ti achipun latoy chi alak. Lasusuyop abus.”

John 11:2

Si Mary hachiʼn langisiit si mambyangun apɏus si ikin Jesus ot pilulasala si buukla.

John 11:3

Ot lambuun cha Mary kan suludlaʼn Martha si umoy mangibyega kan Jesus, “Apu, lasakit chi biɏunluʼn ay-ayatom.”

John 20:13

Ot ilimuscha, “Byebyai, pakaggey man-ibiibin?” Ot summongbyat si Mary, “Simman ti intallaycha lecheg chi Apumi ya lappun ammuk lu chilu langiggaancha!”

John 20:15

Ot kalan Jesus, “Byebyai, pakaggey man-ibiibin? Silu singsingtom?” Ngim si Mary, kalala si somsomokla un siya palagechin, ot kalala, “Apu, lu sika langitallay kan siya, ibyegam u langiggaam ta inyak aɏan siya.”

John 4:1

Chingngeɏn pun cha Pariseo un umachu-achu cha sumuysuɏut kan siya ya achu cha bilunyagen Jesus lu si John.

John 6:23

Ot gummatong cha uchum un byangkaʼn lampeɏpuʼd Tiberias, si lugeɏʼn adchaliyan si langalan cha amod un tagu si tilapay si lagamput lanyaman si Apu Jesus.

1 Corinthians 7:30

Ked chikayu un malomchom isun otyan chi achipun kayu malomchom ya chikayu un lagalas isun otyan bo chi achipun kayu manggalagalas. Ya ulay bo chikayuʼn mangngila un awed cha kukkuwala, ilanyu ta chakampun otya un ha lingin-anyu sosomkonyu.

1 Thessalonians 4:13

Susulud, awed chi pionmiʼn ipakaammu kan chikayu taplu maaawwatanyu mipanggop kan cha mamati un lagamput langkakatoy taplu achipun kayu patunged manchachauy un isun cha uchum un taguʼn lappun lamlamacha.

Hebrews 2:17

Ked masapuɏʼn mambyalin si Jesus isu taku si losan un kilatatagu taku un maibilang un susuludla. Ked si sala, siya malagchegu ya mantegochen un kangatuwan un pachi un mansimsimbi kan Apudyus, ti siya lamayed si byasuɏ taku ta mapakawan taku.

Hebrews 4:15

Ti ha Kangatuwan un Pachi taku, maawatala cha losan un kilakapsut taku, ti pilachasla cha kilalasin chi masubsubyen un isu taku bo, ngim kan siya, achipun lakabyasuɏ.