Luke 6:7 - Lubuagan Kalinga

⁷ Illinggew bo cha uchum un mimistulun chi lintog ya Pariseo, mansingisingitcha si mangichiɏumancha kan Jesus, ot tamtamchagencha lu palin-awaola chi lasakit si Sabyechuʼn man-illongan.

Luke 6:7 ပူးပေါင်းရင်းမြစ်များ

Matthew 5:39

Ngim ibyegak kan chikayu, achiyu ibyaɏos cha lawwing un kingwan chi asintataguyu kan chikayu. Lu awed malipak si machuwalan un apinglu, itayam bo machuwigin apinglu.

Mark 3:2

Inggew bo cha taguʼn mansingisingit si mangichiɏumancha kan Jesus. Tamtamchagencha siya lu palin-awaola lasikod si Sabyechuʼn man-illongan.

Luke 13:14

Ngim summanga pangpangun chi sinagoga ti Sabyechu lamalin-awaan Jesus si hachi. Ot kalala kan cha tagu, “Olom eɏgew chi makwaʼn mangkawachiyan. Siya otya umaliyanyu mampalin-awaan, chakampun si Sabyechuʼn man-illongan!”

Luke 20:20

Ot lan-uwaycha si mawayaanchaʼn malokma kan Jesus. Pilasuksukancha cha uchum un leɏaki ot imbuuncha taplu aginchochongeɏcha kan Jesus. Pionchaʼn sikapan si Jesus si im-imuscha ta awed lasuncha un mangichiɏum ya mangipuɏang kan siya si turay ya kalobbongan chi gubillachuɏ.

John 9:16

Kalan cha uchum un Pariseo, “Chakampun si lampeɏpu kan Apudyus chi tagun alla, ti achipunla tuttuwaon chi lintog mipanggop si Sabyechuʼn eɏgew un man-illongan.” Ngim kalan bo cha uchum, “Ma in-ilon chi taguʼn malagbyasuɏ un mangwa si katchin lakaskaschaaw un isun cha alla?” Langkangkalasi somsomokcha.