Luke 6:6 - Lubuagan Kalinga

⁶ Si osaʼn Sabyechu, lilumlok kasin si Jesus si sinagogan cha Judio, ot lantudtuchu. Illinggew chi leɏakiʼn lasikod chi machuwalan un imala.

Luke 6:6 ပူးပေါင်းရင်းမြစ်များ

Matthew 4:23

Ummoy si Jesus kan cha losan un iliʼd Galilee. Ot lantudtuchu si cha sinagogacha. Imbyegbyegala Bibiɏuʼn Chameg mipanggop si Mampangatan Apudyus ya pilalin-awala bo cha lakalakalasiʼn sakit ya cha ligat cha tagu.

Luke 13:10

Si osaʼn Sabyechuʼn man-illongan, lantudtuchù Jesus si sinagoga.

Luke 14:3

Ilimus Jesus kan cha Pariseo ya mimistulun chi lintog un kalala, “Ipalubus kamman chi lintog taku lu palin-awaon chi sakit si Sabyechu willu achipun?”

Luke 4:16

Oli pun ummoy si Jesus ud Nazareth un chummakeɏala, ot Sabyechu pun un man-illongan cha Judio, ummoy si sinagoga ti siya pin-ala koon. Ot summiked siya ta mambyasa si ugud Apudyus

Luke 4:31

Ot lan-osog si Jesus un umoy ud Capernaum, un osaʼn ili si probinsiya ud Galilee. Lantudtuchu kan cha tagu si Sabyechu un man-illongan.

Luke 6:1

Si osaʼn Sabyechu un man-illongan cha Judio, langoy cha Jesus kan cha disipulusla si pappayaw un lamuɏ-an si wheat un isun chi pagoy. Ot lalidtidchaɏancha pun, pummutingcha disipulusla si wheat ot kilutimancha ta kaloncha.

Luke 6:5

Ot inyalungus Jesus imbyega, “Sakon un Alak chi Tagu alla kalobbongak un mangibyega lu silu makwa si Sabyechuʼn man-illongan.”

John 5:3

Achu cha taguʼn lasakit un miyoobbog; cha kuɏap, pilay ya lapalalais un man-uuway si mantipyakawan chi chelum.

John 9:16

Kalan cha uchum un Pariseo, “Chakampun si lampeɏpu kan Apudyus chi tagun alla, ti achipunla tuttuwaon chi lintog mipanggop si Sabyechuʼn eɏgew un man-illongan.” Ngim kalan bo cha uchum, “Ma in-ilon chi taguʼn malagbyasuɏ un mangwa si katchin lakaskaschaaw un isun cha alla?” Langkangkalasi somsomokcha.