Luke 6:30 - Lubuagan Kalinga

³⁰ Idchonyu lu awed mangkochew kan chikayu, ked lu awed mangaɏa si kukkuwayu achiyu ipaiyulin.

Luke 6:30 ပူးပေါင်းရင်းမြစ်များ

Matthew 18:35

Ot lagamput pun, kalan Jesus, “Katchi bo koon Amak ud langit si kacha osa kan chikayu, lu achipunyu pakawalon un sipupusu cha susuludyu.”

Matthew 5:39

Ngim ibyegak kan chikayu, achiyu ibyaɏos cha lawwing un kingwan chi asintataguyu kan chikayu. Lu awed malipak si machuwalan un apinglu, itayam bo machuwigin apinglu.

Matthew 6:12

Ya pakawalom cha byasbyasuɏmi, ti pilakawanmi bo cha lakabyasuɏ kan chikami.

Luke 11:41

Ngim idchonyu kan cha kapus chi inggew si tasayu ya pinggenyu ked pumeɏkas chi losan un kilatataguyu.

Luke 12:33

Man-ingila kayu kan cha kukkuwayu ked idchonyu chi ngilala kan cha kapus. Isagalaanyu long-egyu si bilaklang ud langit ti achipun makaalan, achipun mataɏak cha bilaklangyuʼd langit. Udchi lappun man-akaw ya achipun mayam-an.

Luke 18:22

Chingngeɏn pun Jesus chi hachi, kalala, “Awed chi ossaan un langkuɏangam. Man-ingilaka kan cha losan un kukkuwam ked idchom chi ngilala kan cha kapus, ked awed chi bilaklangluʼd langit. Ked umalika, mitun-ud kan sakon.”

Luke 6:29

Lu awed mallipak si apingyu, palipakyu bo bisak. Lu awed mangaɏa si takpin chi silupyu ti masapuɏla, idchonyu bo mikadwan takpin chi silupyu.

Luke 6:31

Koonyu kan cha tagu pionyuʼn kooncha kan chikayu.

Luke 6:38

Mangatod kayu kan cha uchum un tagu ked idchen chikayu bo kan Apudyus, ad-achu idchola kan chikayu lu ha illidchonyu, ti masaweɏ inggala achipun kayu makàon. Ked ha kaachun cha idchonyu kan cha asintataguyu, siya bo kaachun chi idchon Apudyus kan chikayu.”

Acts 20:35

Siya pasigku killingwa ta awed mantuɏachenyu, ti masapuɏʼn mampangog takuʼn mangkawachi ta awed maituɏung taku kan cha makasapuɏ. Somsomkon taku imbyegan Apu Jesus un kalala, ‘Laganggalas chi mangatod lu mangkochew.’ ”

2 Corinthians 8:9

Ti ammuyu kachegun Apu takuʼn Jesu Kristu. Ulay lu byaklang, lambyalin siya kapus gapu kan chikayu taplu mapabyaklang kayu si kummapusala.

Ephesians 4:28

Lu awed ka-aakaw, masapuɏʼn iyageyla ked lumabbu, ti hachi ustu ta awed mangeala si masapuɏla ya ituɏungla kan cha makasapuɏ si tuɏung.