Luke 6:12 - Lubuagan Kalinga

¹² Lagamput pun, lalagecha si Jesus un ummoy lalluwalu si tagudtud, ot lilabilaʼn lalluwalu kan Apudyus.

Luke 6:12 ပူးပေါင်းရင်းမြစ်များ

Matthew 5:1

Intullong pun Jesus cha amod un tagu, lalagecha si bilig ot ummamuy. Ot ummacheli cha disipulusla kan siya.

Matthew 6:6

Ngim lu malluwalu kayu, lumlok kayu si kuwetuyu ya inyolobyu ked malluwalu kayu kan Amayu un achipun maila ked si Amayu un Apudyus un mangitutullong si pin-ayu koon, ked gunggulaan chikayu.

Mark 1:35

Likawisngit bummangon si Jesus ot ummoy un ossaan lalluwalu si lugeɏʼn lappun tagù inggew.

Mark 3:13

Lalagecha si Jesus si osaʼn tagudtud. Ot ilayagela cha taguʼn piola, ot ummoycha kan siya.

Mark 6:46

Pilaoyonla ked chicha, lalagecha siya si osaʼn bilig ta umoy malluwalu.

Luke 5:16

Ngim pappasig umoy si Jesus tumalin si lugeɏʼn lappun ummili ta malluwalu.

Luke 6:11

Ngim amod chi sangan cha Pariseo ya mimistulun chi lintog ot lan-uuguchencha lu silu kooncha kan Jesus.

Luke 6:17

Lan-osog pun cha Jesus ya cha apostolesla un lampeɏpu si tagudtud, summikedcha si tummalapala ti illinggew cha lachagup un achuʼn disipulusla ya cha amod un taguʼn lampeɏpuʼd Judea ya Jerusalem ya kaili-ili ud Tyre ya Sidon un adchaliyan si byeybyey.

Luke 9:18

Si osaʼn eɏgew un lalluwaluwan Jesus un ossaan, inggew cha disipulusla kan siya ot ilimusla kan chicha, “Himma ibyegan cha tagu si kilatataguk?”

Luke 9:28

Lummaus pu waɏuʼn eɏgew si langibyeg-an Jesus si cha laoy, ilayagela cha Peter, James kan John ot lalagecha cha si bilig ta umoycha malluwalu.

Luke 9:29

Malluwaluwalu pun si Jesus, summabyali tullong chi lupala ya lan-ipuputilak chi silupla un malilisiling.

John 6:3

Ot lalagecha cha Jesus si bilig ot ummamuycha kan cha disipulusla.

Colossians 4:2

Alla bo uchum un ibyegak kan chikayu. Ipapatiyu un malluwalu ya achi kayu masngay. Allechenyu ta achi maalliw chi somsomokyu ya manyaman kayu kan Apudyus.

Hebrews 5:7

Si illinggewan Jesus utla pita, inyibinlaʼn lalluwalu ya lanchawat kan Apudyus un makwaʼn malagu kan siya si matoyala. Ked chingngeɏn Apudyus chi luwalula ti tummuttuwa ya ingkumbyabyala somsomokla kan Apudyus.