Luke 5:8 - Lubuagan Kalinga

⁸ Intullong pun Simon Peter chi lakwa, lampalintuming si sangwalan Jesus, ot kalala, “Apu, telam sakon ti malagbyasuɏak!”

Luke 5:8 ပူးပေါင်းရင်းမြစ်များ

Matthew 17:6

Chingngeɏn pun cha disipulus chi hachi, lallukbubcha si pita gapu ta amod chi ogyatcha.

Matthew 2:11

Lilumlokcha si hachiʼn byeɏoy ot intullongcha pu hachiʼn alak ya si ilalaʼn Mary, lampalintumingcha un lanchayaw kan siya. Ot lan-itokweɏcha kan cha lakakassun un ichatunchaʼn buɏawan, byangbyanglu un insenso ya apɏus un mirra ot illidchonchaʼn kan siya.

Matthew 8:8

Ot kalan chi kapitan, “Intalu achika umali, ti chakpun lumbong un mammangili kan sika. Ibyegam laing chi ugudlu ked lumin-awa bubùulok.

Luke 5:7

Ot ilayagencha biɏuncha si osaʼn byangka ta umoycha tuɏungan chicha. Ummoycha tummuɏung ot laplu chuwaʼn byangka si ikan ot allà akit un milutob cha byangka.

Luke 5:9

Katchi imbyegala ti laschaawcha siya ya cha kakadwala si kilaachun chi ikan un laaɏacha.

John 11:32

Gummatong ked si Mary si inggewan Jesus, lampalintuming si sangwalan Jesus ot kalala, “Apu, lu awedka otyan utla, achipun latoy chi suludku!”

1 Corinthians 13:12

Ha osa boʼn aligla, chakampun un patunged lalaweg chi man-aawat taku si sala, ti isun chi mallagechawalan si man-uuɏabun lagechawan un achipun patunged maimatulan. Ngim si umaliʼn eɏgew un mansagung taku kan Apu Jesus, patunged lalaweg chi mangitullongan taku kan siya. Ked si sala, akit cha ammu taku, ngim si umaliʼn eɏgew, achu cha maagammuwan taku, un ha miyisuwala, isun chi kilalaweg chi mantutullong Apudyus kan chitaku.

Revelation 1:17

Ked si hachiʼn langitullongak kan siya, lalitwechak si sangwalanla un isuk chi latoy si amod un ogyatku. Oli pun iloglela sakon si chuwalan un imala, ot kalala, “Achika umogyat! Sakon chi luglugin cha losan, ya sakon bo alungus cha losan.”