Luke 5:22 - Lubuagan Kalinga

²² Ngim laammuwan Jesus chi somsomokcha ot kalala kan chicha, “Puggey katlat chi somsomokyu?

Luke 5:22 ပူးပေါင်းရင်းမြစ်များ

Matthew 12:15

Tilagammun pun Jesus chi panggopcha, ummoyon si hachiʼn ili. Ot achu cha taguʼn litun-ud kan siya. Ot kilaanla cha saksakitcha.

Matthew 12:25

Ammun Jesus chi awed si somsomokcha ot kalala kan chicha si pangngalig, “Ulay siluʼn turay lu lappun timpuyug cha tagu un mantitillalungcha mampapatoy, lalakachaʼn mayam-an. Katchi bo makwa si ili willu simbyeyan, lu lappun timpuyugcha un mantitillalungcha mampapatoy maasibbyakawcha.

Matthew 9:4

Ammun Jesus chi awed si somsomokcha ot kalala, “Puggey un lawwing chi somsomokyu?

Mark 8:17

Ammun Jesus chi ug-ugguchoncha, ot kalala kan chicha, “Payuggey man-is-isikan un lappun ilawityù byaɏunyuʼn tilapay? Achipunyu pay laing mitullong willu maawatan? Ha latangkin chi somsomokyu?

Luke 24:38

Ngim kalala kan chicha, “Pakayuggey umogyat ya manchuwachuwa mipanggop kan sakon?

Luke 5:21

Ngim cha Pariseo ya mimistulun chi lintog sin-aayumimitcha un kalancha, “Silu maga kilatatagun chi lait un iyisula ga long-egla kan Apudyus! Lappun makapakawan si byasuɏ ngim si Apudyus abus!”

Luke 5:23

Simma lagodgochong un ibyega, ‘Lapakawan cha byasuɏm,’ willu ‘Lumibbyatka ta malidchaɏanka’?

Acts 5:3

Ot kalan Peter, “Ananias, puggey ipalubus un mangkawachi si Satalas si somsomoklu ya mantuntulli si Ispiritun Apudyus si langitaɏuwanyu si uchum un ngilan chi pitayu

Hebrews 4:12

Ha ugud Apudyus ked latattagu ya mallakabyelin. Latattachom lu sabli un lansupang chi tachomla ti makwalaʼn chuuton inggalad mansilaan chi kalichodwa ya Ispiritu, cha um-um ya utok. Chuutola cha somsomok taku kan milasinla cha losan un somsomok chi tagu ya migagaɏa un bibiɏu willu lawwing un somsomkon.

Revelation 2:23

Ked otoyok bo cha maibilang un aalakcha un maluɏut kan siya ta awed mangagammuwan cha losan un mamati si kaili-ili un sakon ked ammuk cha losan un somsomok ya ha pion cha tagu. Ked idchok bo subyalit cha pin-an cha losan un tagu killingwa, bibiɏu willu lawwing.