Luke 5:21 - Lubuagan Kalinga

²¹ Ngim cha Pariseo ya mimistulun chi lintog sin-aayumimitcha un kalancha, “Silu maga kilatatagun chi lait un iyisula ga long-egla kan Apudyus! Lappun makapakawan si byasuɏ ngim si Apudyus abus!”

Luke 5:21 ပူးပေါင်းရင်းမြစ်များ

Matthew 26:65

Chingngeɏn pun chi kangatuwan un pachi, pilissayla silupla si amod un sangala ot kalala, “Iyisula long-egla kan Apudyus! Patakuggey mansingit si uchum un tistigu? Chingngeɏ taku mit losan chi lawwik un imbyegala.

Matthew 9:3

Ot sin-aayumimit cha uchum un mimistulun chi lintog un kalancha, “Palaggey iyisu long-egla kan Apudyus!”

Luke 3:8

Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu. Achiyu kalan un, gapu ta galak chikayu kan Abraham, milisiyu kachusaanyu kan Apudyus. Lappun katuttuwaan chi hachi. Ibyegak kan chikayu un makwaʼn mambyalilon Apudyus cha byetuʼn alla si galak Abraham.

Luke 5:17

Si osaʼn eɏgew, lantudtuchu si Jesus si osaʼn byeɏoy. Si hachi illinggew bo cha uchum un ummaammuy un Pariseo kan cha mimistulun chi lintog un lampeɏpuʼd cha losan un ili ud Galilee ya Judea ya leɏpu cha uchum ud Jerusalem. Ked awed chi kilabyelin Apudyus kan Jesus un mampalin-awa kan cha lasakit.

Luke 5:22

Ngim laammuwan Jesus chi somsomokcha ot kalala kan chicha, “Puggey katlat chi somsomokyu?

Luke 7:49

Ngim cha uchum un lakakan, kalancha si somsomokcha, “Himmaga taguʼn alla un pakawalola byasuɏ?”

John 10:33

Ot summongbyatcha un kalancha, “Chakampun si cha bibiɏuʼn killingwam chi mamintukanmi kan sika, ngim gapu si ilugudluʼn sumupling kan Apudyus. Ti tagu ka abus, ked lambyalilom Apudyus chi long-eglu!”

Romans 8:33

Ti lappun mamabyasuɏ kan chitaku un chilutukan Apudyus, ti siya mismuʼn langibilang kan chitaku lalintog.