Luke 5:20 - Lubuagan Kalinga

²⁰ Laammuwan pun Jesus chi gettok un pammaticha, kalala si leɏaki, “Biɏun, lapakawan cha byasuɏm.”

Luke 5:20 ပူးပေါင်းရင်းမြစ်များ

Matthew 9:2

Lichuumcha pun si ili, inggetong cha tagu leɏakiʼn bilubulligenchaʼn lapalalais. Laammuwan pun Jesus chi gettok un pammaticha kan siya, kalala si lapalalais, “Alakku, pakoscheɏom chi somsomoklu. Lapakawan cha byasuɏm.”

Matthew 9:5

Simma lagodgochong un ibyega, ‘Lapakawan cha byasuɏm,’ willu ‘Lumibbyatka ked malidchaɏanka?’

Mark 2:5

Laammuwan pun Jesus chi gettok un pammaticha, kalala si hachiʼn lapalalais, “Alakku, lapakawan cha byasuɏm.”

Luke 7:48

Oli pun kalan Jesus si hachiʼn byebyai, “Lapakawan cha byasbyasuɏm.”

John 2:25

Ked achipun masapuɏ un awed mangibyega kan siya si kilatatagun cha tagu ti ammula awed si somsomokcha.

John 5:14

Lapalos pun, inchesan Jesus siya si templo ot kalala kan siya, “Ilam, bummaɏuka. Iyageyluʼn mambyasuɏ ta achipun makwa singkumaɏu kan sika.”

Acts 11:23

Gummatong pun udchi, intullongla un kilacheguwan Apudyus chicha, lagalasan ot silegegla chicha ta ipapaticha pammaticha kan Apu Jesus.

Acts 14:9

Lanchochongngeɏ si imbyegbyegan Paul. Intutukkeɏn Paul siya ot lailalan alla pammatila un lumin-awa.

2 Corinthians 2:10

Lu awed pakawalonyu, pakawalok bo siya. Ked ammun Kristu un lu awed pakawalok, liwatak bo cha lakabyasuɏala. Killingwak cha katchi ta siya tuɏachonyu si bumaɏuwanyu

Colossians 3:13

Alusanyu ituɏged cha susuludyu ya lu awed makabyasuɏ kan chikayu, manpillakawan kayu, un isun chi lampapakawan Apu Jesu Kristu kan chikayu, ked masapuɏʼn pakawalonyu cha uchum.

James 2:18

Ngim awed chi mangibyega, “Ha osaʼn tagu, awed pammatila abus ngim ha osa, awed bo bibiɏuʼn angwatla abus.” Ked katla isongbyatku: “Achipunlu mipaila kan sakon chi katuttuwaan chi pammatim lu achipunlu mapatachulan si bibiɏuʼn angwat. Ked sakon, ipailak kan sika chi kilatuttuwan chi pammatik si bibiɏuʼn angwatku.”