Luke 5:2 - Lubuagan Kalinga

² Ot lailala chuwaʼn byangka si igid chi byeybyey un lappun inggew si malabukuɏ ti lummogsedcha ot ummoycha bilebyeɏan cha tabukuɏcha.

Luke 5:2 ပူးပေါင်းရင်းမြစ်များ

Matthew 4:18

Si lalidtidchaɏalan Jesus si teɏanteg chi byeybyey ud Galilee, intullongla cha chuwaʼn mansulud, cha Simon un ngadlon cha Peter ya si Andrew un pin-acha malabukuɏ ti siya kawachicha.

Matthew 4:21

Si lalidtidchaɏalanchad chi teɏanteg, intullong Jesus cha chuwaʼn mansulud, cha James kan John un alak Zebedee. Inggewcha si byangka kan cha Zebedee un amacha un pin-ala isagala tabukuɏcha. Ot ilayagen Jesus chicha.

Mark 1:16

Si lalidtidchaɏalan Jesus si teɏanteg chi byeybyey ud Galilee, intullongla cha Simon kan Andrew un mansulud un pin-a malabukuɏ ti siya kawachicha.

Mark 1:19

Liyachayucha pun akit, intullong bo Jesus cha mansulud un cha James kan John un alak Zebedee. Inggewcha si byangka un pin-acha isagsagala tabukuɏcha.

Luke 5:1

Si osaʼn eɏgew, summiked si Jesus si teɏanteg chi Byeybyey ud Gennesaret, ot ummaguyut cha amod un tagu ti pionchaʼn chongɏon chi itudtuchulaʼn ugud Apudyus.

Luke 5:3

Ot summakyat siya si osaʼn byangka un uwan Simon, ot imbyegala kan siya un ichulunla akit. Ot ummamuy si Jesus un lantudtuchu kan cha tagu.

John 1:40

Ha osa un litun-ud kan Jesus, si Andrew un sulud Simon Peter.