Luke 5:1 - Lubuagan Kalinga

¹ Si osaʼn eɏgew, summiked si Jesus si teɏanteg chi Byeybyey ud Gennesaret, ot ummaguyut cha amod un tagu ti pionchaʼn chongɏon chi itudtuchulaʼn ugud Apudyus.

Luke 5:1 ပူးပေါင်းရင်းမြစ်များ

Matthew 11:12

Malipud si chamuʼn langibyegbyeg-an John inggala si sala, awed cha mangipatut mangibyegbyega mipanggop si Mampangatan Apudyus. Ya awed bo cha uchum un ipapattutcha boʼn mipati si Mampangatala.

Matthew 14:34

Chummemangcha pun si byeybyey, gummatongcha si sakup chi Gennesaret.

Mark 3:9

Gapu si kaachun cha tagu, imbyegan Jesus kan cha disipulusla un isagalacha byangka ta inggewala, ta achi maipit kan cha amod un tagu.

Mark 4:1

Kasin si Jesus ummoy lantudtuchu si igid chi byeybyey ud Galilee. Gapu ta achu-achu cha taguʼn langalluɏung kan siya, summakyat siya si byangka ot ummamuy, ked inggew cha tagu si teɏanteg.

Mark 5:24

Ot litun-ud si Jesus kan siya. Ot litun-ud bo cha amod un tagu kan siya ya langgunggulodcha si cheegla.

Mark 6:53

Chummemangcha pun si byeybyey, gummatongcha si sakup chi Gennesaret, ot impungodcha byangkacha.

Luke 12:1

Si hachiʼn timpu, lachagup cha kalibu-libuʼn tagu ot lan-ipi-ipitcha. Ilulan Jesus kilaugud cha disipulusla. Kalala, “Allachenyu ta achi kayu mikama si angwat cha Pariseo un aginpapaticha un miyaligcha yeast.

Luke 5:2

Ot lailala chuwaʼn byangka si igid chi byeybyey un lappun inggew si malabukuɏ ti lummogsedcha ot ummoycha bilebyeɏan cha tabukuɏcha.

Luke 8:22

Si osaʼn eɏgew, lambyangka cha Jesus ya disipulusla, ot kalala kan chicha, “Intaku si chomang chi allaʼn byeybyey.” Ot lummibbyatcha.

Luke 8:23

Ummoyo-oyoncha pun, lasuyop si Jesus. Maeg ga gummatong chi lapigsan byali ot laluptuppiyak chi challuyun si byangka, ot laplaplu byangka si chelum inggala allà akit un milutobcha.

Luke 8:33

Lummawa cha aɏan si leɏaki ot lilumlokcha kan cha byeɏok. Ot sintotodchak cha byeɏok lummayug si angit ot laamincha laalud si byeybyey.

Luke 8:45

Ilimus Jesus, “Silu langapped kan sakon?” Ngim lappun achi langisulib, ot kalan Peter, “Apu, ilam kabbo cha taguʼn manggunggulod kan sika.”

John 1:40

Ha osa un litun-ud kan Jesus, si Andrew un sulud Simon Peter.

John 6:1

Lummaus ka pigan eɏgew, chilemang cha Jesus chi chakeɏ un chewwang ud Galilee un kalancha Tiberias.

Hebrews 13:7

Sosomkonyu cha ummun-ulan langipangpangu kan chikayu, un langibyegbyega kan chikayu si ugud Apudyus. Somsomkonyu chi bibiɏuʼn lambyalagen chi mambibiyegcha ya tuɏachonyu pammaticha.