Luke 4:40 - Lubuagan Kalinga

⁴⁰ Lummaschom pun, inggetong cha tagu cha kadwachaʼn lakalakalasi cha sakitcha kan Jesus. Ot intetepangla ilappachen chicha ot lummin-awa cha losan.

Luke 4:40 ပူးပေါင်းရင်းမြစ်များ

Matthew 11:5

Cha lakuɏap makatullongcha, cha lapilay makatidchaɏancha, cha lakuteɏ lapapeɏkascha, cha latuɏong makadngeɏcha, cha latoy ummulicha latagu ya mibyegbyega Bibiɏuʼn Chameg kan cha kakapus.

Matthew 14:13

Chingngeɏn pun cha Jesus chi lakwa kan John, ummoyoncha lambyangka ta umoycha tumalin si lugeɏʼn lappun tagu. Ngim laammuwan pun cha amod un tagu un ummoyoncha, tilelancha ilicha ot lalidtidchaɏancha un lituntun-ud kan siya.

Mark 3:10

Gapu ta achu cha pilalin-awala, langgunggulod cha losan un lasakit kan Jesus ta appachencha siya.

Mark 5:23

Ot langkadkachegun kalala, “Mamattoyon chi alakkuʼn byebyai. Kewam ta umalim u appachen siya ta makaan chi sakitla ya matagu.”

Mark 6:5

Achipun langwa si lakaskaschaaw si Jesus udchi, malaksig kan cha akit un lasakit un langipatayala si imala ot lummin-awacha.

Acts 19:12

Ti ulay chi panyu ya luput un pin-an Paul iluseɏ, lu iyoycha kan cha lasakit willu laaɏan, ked lummin-awacha ya telan cha aɏan chicha.

Acts 5:15

Gapu si kawachin cha apostoles, illiyoy cha tagu cha lasakit si kesa ya imbyelatcha chicha si katlicha ya obokcha, ti kalancha lu lumaus si Peter maaɏungancha si alliliwanla ya cha uchum ked makaan chi sakitcha.