Luke 4:18 - Lubuagan Kalinga

¹⁸ “Awed kan sakon chi Ispiritun Apudyus ti chilutukalak kan siya un mangibyegbyega si Bibiɏuʼn Chameg kan cha kapus. Imbuulak un mangibyega kan cha tagu un isun chi libyaɏud un mawayawayaancha ya cha taguʼn isun chi lakuɏap makatullongcha kasin ya cha lapaligatan un makalin-awaancha.

Luke 4:18 ပူးပေါင်းရင်းမြစ်များ

Matthew 11:5

Cha lakuɏap makatullongcha, cha lapilay makatidchaɏancha, cha lakuteɏ lapapeɏkascha, cha latuɏong makadngeɏcha, cha latoy ummulicha latagu ya mibyegbyega Bibiɏuʼn Chameg kan cha kakapus.

Matthew 12:18

“Allaya bubùulok un chilutukak. Siya tagtagopok, ya siya bo masmas-omak. Ibuunku Ispirituk kan siya ta siya mangiwaɏaweg kan cha Gentil si in-ilon chi taguʼn mapalintog si sangwalan Apudyus.

Matthew 12:20

Achipunla man-awichen cha lakapsut chi pammaticha, ya laalus kan cha maam-amis. Ituɏuyla kawachila inggalad matungpeɏ ustu un panggop Apudyus.

Matthew 4:16

Cha tagu udchi, isun chi inggewcha si manggikbot gapu si byasuɏcha. Ngim si umaliʼn eɏgew, itullongcha lapigsan Silaw. Siya mansilaw kan cha inggew si manggikbot un igew cha latoy.”

Matthew 5:3

“Pian cha taguʼn ammucha un lappun kabyeeɏancha si sangwalan Apudyus, ti mipaticha si Mampangatan Apudyus.

Luke 4:17

un impuɏedcha kan siya. Ha allaʼn liblu inggilin propeta Isaiah si awi. Bilukyedla ot pililiyala byasaola. Ot bilasala,

Luke 6:20

Oli pun lansagung si Jesus kan cha disipulusla ot kalalaʼn lantudtuchu, “Pian kayu un kakapus un mamati kan Apudyus si sala, ti mipati kayu si Mampangatan Apudyus!

Luke 7:22

Ot silongbyatan Jesus chicha, kalala, “Mangulin kayu kan John, ibyegayu kan siya cha intullongyu ya chingngeɏyu un killingwak. Cha lakuɏap, makatullongcha, cha lapilay, makatidchaɏancha, cha laleprosy lakalin-awaancha, cha latuɏong, makadngeɏcha, cha latoy, latagu cha kasin. Ked cha kakapus, mibyegbyega kan chicha Bibiɏuʼn Chameg.

John 1:41

Ot chilecheɏaslan langngit kan Simon un suludla ot imbyegala kan siya, “Inchesanmi Messias!” (Piolaʼn uguchon, Kristu).

John 12:46

Ummaliyak un silaw utla lubung ta achipun iinggew si manggikbot cha mamati kan sakon.

John 3:34

Ti ha imbuun Apudyus, siya uguchola ugud Apudyus ti illidchon Apudyus kan siya chi Ispiritula.

Acts 10:38

Ya ammuyuʼn chilutukan Apudyus si Jesus un iNazareth ya illidchola Ispiritula ya kilabyelinla kan Jesus ta ulay silu ayala pin-a langwa si bibiɏu ya pin-a lampalin-awa kan cha losan un pilaligatan chimunyu ti awed si Apudyus kan siya.

Acts 26:18

Ibuunku sika kan chicha ta maammuwancha katuttuwaan ta masilawan cha somsomokcha ya man-awichencha lawwing ya mansagungcha si padcha. Man-awichencha pallakabyelin Satalas ked mansagungcha si pallakabyelin Apudyus ta mamaticha kan sakon, ked mapakawan cha byasbyasuɏcha ya mibilangcha kan cha chilutukan Apudyus un tagula.’ ”

Acts 4:26

Lachagup ya lansagala cha Ari ya cha papangat utla lubung un bumusuɏ kan Apudyus ya Messias un chilutukala, simma makwacha?’

Acts 4:27

“Ha imbyegan David, ti cha Ari Herod ya Pontius Pilate ya cha Gentil ya cha taguʼd Israel lachagupcha utla Jerusalem ta mantutuɏegchaʼn patoyon si Jesus un lappun byasuɏla un chilutukam siyaʼn Messias.

Colossians 1:13

Ti tilagula chitaku si pallakabyelin Satalas un manturay si manggikbot ya impatila chitaku si mampangatan chi tagtagopolaʼn Alakla.

James 2:5

Chongɏonyu, susuludkuʼn ay-ayatok. Siya chilutukan Apudyus cha kakapus un tagu si allaʼn lubung un byaklang si pammati ya chicha mipati si mampangatala un siya ingkarila kan cha mangay-ayat kan siya.

1 Peter 2:9

Ngim chikayu pililiyan Apudyus un tagula ya papachiʼn chi Ari un mansimbi kan siya. Ya chikayu laapudyusan un tagula, mismuʼn tagun Apudyus, ti chikayu mangibyegbyega si lakaskaschaaw un killingwala. Illawala chikayu si gikbot ot inyatunla chikayu si lakaskaschaaw un padchala.