Luke 4:1 - Lubuagan Kalinga

¹ Labunyagen pun si Jesus, tilelala hachiʼn chewwang un Jordan. Ot ha Ispiritun Apudyus un inggew kan siya, impuyutla siya si lugeɏʼn lappun ummili.

Luke 4:1 ပူးပေါင်းရင်းမြစ်များ

Matthew 3:16

Lagamput pun labunyagen si Jesus, ummopwas siya si chelum, ot liwalit ud langit ot intullongla Ispiritun Apudyus un isun chi kalapati un lan-osog ot lansap-oy kan siya.

Luke 2:27

Ot impuyutla si Simeon si templo. Ot hachi bo timpu un illok cha Joseph si Jesus si templo ta matungpeɏ chi lintog mipanggop si liyalakala.

Luke 3:3

Ot gilaggakay John cha ili-iliʼn sakup chi chewwang un Jordan, imbyegbyegala kan cha tagu un, “Ibyabyawiyu cha byasbyasuɏyu ya mampabunyeg kayu ta pakawalon Apudyus chikayu.”

Luke 3:38

Ked si Kenan alak Enos un alak Seth. Si Seth alak Adam, un alak Apudyus.

Luke 4:14

Langulin si Jesus ud Galilee, ot inggew chi kilabyelin chi Ispiritun Apudyus kan siya. Ked lanchilongeɏ chameg mipanggop kan siya si losan un mampalikwos un ili.

Luke 4:18

“Awed kan sakon chi Ispiritun Apudyus ti chilutukalak kan siya un mangibyegbyega si Bibiɏuʼn Chameg kan cha kapus. Imbuulak un mangibyega kan cha tagu un isun chi libyaɏud un mawayawayaancha ya cha taguʼn isun chi lakuɏap makatullongcha kasin ya cha lapaligatan un makalin-awaancha.

John 1:32

Ot imbyegan John, “Intullongku Ispiritu un lan-osog un isun chi kalapatin leɏpuʼd langit ot illinggew kan siya.

John 3:34

Ti ha imbuun Apudyus, siya uguchola ugud Apudyus ti illidchon Apudyus kan siya chi Ispiritula.

Acts 1:2

inggala si eɏgew un lipangatuwalaʼd langit. Sakbyey un langulin ud langit, gapu si kilabyelin chi Ispiritun Apudyus, bililinla cha apostoles un chilutukala.

Acts 10:38

Ya ammuyuʼn chilutukan Apudyus si Jesus un iNazareth ya illidchola Ispiritula ya kilabyelinla kan Jesus ta ulay silu ayala pin-a langwa si bibiɏu ya pin-a lampalin-awa kan cha losan un pilaligatan chimunyu ti awed si Apudyus kan siya.

Acts 8:39

Ummopwascha pun si chelum, kakman chi Ispiritun Apudyus intallay si Philip si sabyaliʼn lugeɏ. Ot lappun kasin intullong chi opisyeɏ kan siya. Ngim intuɏuy chi opisyeɏʼn ummoyon un langganggalas.