Luke 3:8 - Lubuagan Kalinga

⁸ Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu. Achiyu kalan un, gapu ta galak chikayu kan Abraham, milisiyu kachusaanyu kan Apudyus. Lappun katuttuwaan chi hachi. Ibyegak kan chikayu un makwaʼn mambyalilon Apudyus cha byetuʼn alla si galak Abraham.

Luke 3:8 ပူးပေါင်းရင်းမြစ်များ

Matthew 21:43

Ked ibyegak kan chikayu, un achipun Apudyus iturayan chikayu ked siya iturayala cha tagu un pin-a mangwa kan cha lumbong si mampangatala.

Matthew 3:8

Masapuɏʼn koonyu cha losan un mangipaila un tuttuwaʼn lambyabyawi kayu kan cha byasbyasuɏyu.

Matthew 3:9

Achiyu kalan un milisiyu kachusaanyu gapu ta galak chikayu kan Abraham. Ti ibyegak kan chikayu un makwaʼn mambyalilon Apudyus cha byetuʼn alla un galak Abraham.

Luke 13:25

Lu illaus chi simbyeɏoy inchakig chi sawang, ked awed kayuʼd lasin un mangkongkongkong ya mampokapokaw, ‘Apu, iwalitlu u sawang ta lumlok kami.’ Ngim songbyatala chikayu, ‘Lappun ammuk kan chikayu ya chilu leɏpuwanyu.’

Luke 13:26

Ked kalanyu, ‘Chikami kabbo lakakkakan ya lakain-ilum kan sika ya lantudtuchuka kabbo ud ilimi’

Luke 14:9

Lu umali hachiʼn lan-ayeg kan sika ked kalala, ‘Umamuyan chi langatuʼn tagu alla.’ Ked mabiilanka ya ingka umamuy si igid.

Luke 19:40

Ot silongbyatan Jesus chicha, “Ibyegak kan chikayu, lu gumilokcha, mampakuy cha allaʼn byetu un manchayaw kan sakon.”

Luke 19:9

Kalan Jesus kan siya, “Si salaʼn eɏgew taguwon Apudyus sika ya cha kabyeɏoylu, ti sika bo galak Abraham.

Luke 5:21

Ngim cha Pariseo ya mimistulun chi lintog sin-aayumimitcha un kalancha, “Silu maga kilatatagun chi lait un iyisula ga long-egla kan Apudyus! Lappun makapakawan si byasuɏ ngim si Apudyus abus!”

John 8:33

Ot kalan cha Judio, “Galak chikami kan Abraham ya lappun lammusassuwanmi. Puggey ibyegan mawayawayaan kami?”

John 8:39

Ot kalan cha Judio, “Si Abraham chi amami.” Kalan Jesus kan chicha, “Lu tuttuwaʼn galak chikayu kan Abraham, koonyu otyan chi killingwala.

Acts 26:20

Ti ummoyku imbyegbyega kan cha tagu un masapuɏʼn mambyabyawicha kan cha byasbyasuɏcha ya mansagungcha kan Apudyus ya kooncha bibiɏu ta maammuwan un tuttuwaʼn lambyabyawicha. Hachi pin-ak imbyegbyega lanlugi ud Damascus, oli pun ud Jerusalem ya cha ili-ili si probinsiya ud Judea ya siya bo kan cha Gentil.

Romans 4:16

Ked ha ingkarin Apudyus ked matungpeɏn abus chi tagu un mamati ta maibyaseɏ si kachegula kan cha losan un galak Abraham. Chakampun un para kan cha malungpeɏ si lintog abus, ngim cha mamati un isun chi pammatin Abraham. Ti siya laispirituan un ama taku losan.

Romans 9:7

Isun Abraham, chakampun un losan un galak Abraham ked aalak Apudyus. Ti kalan Apudyus kan Abraham, “Cha aalak Isaac cha maibilang un galaklu.”

Philippians 1:11

Tuɏungan Jesu Kristu chikayu taplu bibiɏu ugaliyu. Ked siya michayawan Apudyus ya siya main-an chi kilabiɏula.