Luke 3:3 - Lubuagan Kalinga

³ Ot gilaggakay John cha ili-iliʼn sakup chi chewwang un Jordan, imbyegbyegala kan cha tagu un, “Ibyabyawiyu cha byasbyasuɏyu ya mampabunyeg kayu ta pakawalon Apudyus chikayu.”

Luke 3:3 ပူးပေါင်းရင်းမြစ်များ

Matthew 3:11

“Bunyagek chikayu si chelum un mangipaila un lambyabyawi kayu kan cha byasbyasuɏyu. Ngim ha misagsagulud kan sakon, bunyagela chikayu si Ispiritun Apudyus ya apuy. Langatngatu siya si achayu lu sakon ked achipulak lumbong un mamigging si sancheɏla.

Luke 1:16

Gapu si suysuɏula, achu cha galak Israel un mangulin kan Apudyus.

Luke 1:77

Ipakaammum kan cha tagu un matatagucha lu mapakawan cha byasuɏcha.

Luke 4:1

Labunyagen pun si Jesus, tilelala hachiʼn chewwang un Jordan. Ot ha Ispiritun Apudyus un inggew kan siya, impuyutla siya si lugeɏʼn lappun ummili.

John 1:28

Lakwa losan cha laoy ud Bethany, si biik chi chewwang un Jordan un mambunbunyagen John.

John 3:26

Ot ummoycha kan John ot kalancha, “Mistulu, masmasmoklu hachiʼn ummali kan sika si chomang chi Jordan, hachiʼn imbyegam kan chikami? Pin-a mambunyeg si sala ked achu cha pin-a umoy kan siya!”

Acts 13:24

Sakbyey un lallugi si Jesus si kawachila, inggew si John un lambyegbyega kan cha losan un iyIsrael un masapuɏʼn mambyabyawicha kan cha byasuɏcha ya mampabunyegcha.

Acts 19:4

Oli pun kalan Paul, “Ha bunyeg un intudtuchun John ked mipanggop si mambyabyawiyan cha tagu kan cha byasuɏcha. Ngim imbyegala bo kan cha tagu un mamaticha si misagsagulud kan siya un si Jesus.”

Acts 22:16

Ked si sala, simman bo uwayom? Lumibbyatka ta ingka mampabunyeg ked iluwalum kan Apu Jesus ta pakawalola cha byasuɏm.’ Kalan Ananias kan sakon.