Luke 3:2 - Lubuagan Kalinga

² Cha kangatuwan un papachin cha Judio ked cha Annas kan Caiaphas. Si hachiʼn timpu inggew chi impakaammun Apudyus kan John, un alak Zechariah si inggewala si lugeɏʼn lappun ummili.

Luke 3:2 ပူးပေါင်းရင်းမြစ်များ

Matthew 11:7

Ummoyon pun cha disipulus John, illugin Jesus un lan-ugud kan cha amod un tagu mipanggop kan John un kalala, “Si ummoyanyu kan John si lugeɏʼn lappun ummili, simma lilamlamayuʼn itullong? Ha osaʼn guɏun un chupachupaliyon chi bidbid? Lai.

Matthew 26:3

Si hachiʼn timpu, lachagup cha ap-apun cha papachi ya cha pallakayon cha Judio si byeɏoy Caiaphas un kangatuwan un pachi.

Mark 1:2

Ha liigili si liblun Isaiah un propeta, “Kalan Apudyus, ‘Awed chi osaʼn taguʼn un-ulaok ibuun lu sika, ta umoyla isagala chaɏan un ayom.’

Luke 1:80

Ked hachiʼn alakcha chummakeɏ, pummigsa pammatila kan Apudyus. Ot ummoy si John illinggew si lugeɏʼn lappun ummili inggalaʼd chillumtong chi timpuʼn mallugiyalaʼn mantudtuchu kan cha galak Israel.

John 1:23

Ot silongbyatan John, kalala, “Sakon chi illinggew si lugeɏn lappun ummili un mangiyip-ipkaw un, ‘Mansagala kayu, un isun chi isagalayu chaɏan un ayon chi Apu!’ ”

John 18:24

Oli pun imbuun Annas si Jesus un labyabyaɏud cha imala kan Caiphas un kangatuwan un pachi.

Acts 4:6

Ot inggew cha Annas un kangatuwan un pachi ya si Caiaphas, John, Alexander ya uchum un agin chi kangatuwan un pachi.