Luke 3:16 - Lubuagan Kalinga

¹⁶ Ngim kalan John kan chicha, chakampun un sakon si Kristu. “Awed chi misagsagulud un langatngatu lu sakon, ked achipulak lumbong un mangukas si sancheɏla. Bunyagek chikayu si chelum, ngim siya bunyagela chikayu si Ispiritun Apudyus ya apuy.

Luke 3:16 ပူးပေါင်းရင်းမြစ်များ

Matthew 3:11

“Bunyagek chikayu si chelum un mangipaila un lambyabyawi kayu kan cha byasbyasuɏyu. Ngim ha misagsagulud kan sakon, bunyagela chikayu si Ispiritun Apudyus ya apuy. Langatngatu siya si achayu lu sakon ked achipulak lumbong un mamigging si sancheɏla.

Matthew 3:12

Ked lu umali siya ilasinla cha bibiɏu un tagu si cha lawwing un tagu, miyalig si mantopa un mansilaola bilayu ya chugi. Ha bilayu iteponla si aɏang ngim ha chugi ibyellula si apuy un achipun masobsobyen.”

John 1:26

Summongbyat si John kan chicha, “Bunyagek chikayu si chelum, ngim awed kan chikayu osaʼn taguʼn achipunyu ammu.

John 1:27

Siya misagsagulud kan sakon, ked gapu si kilangatula, achipulak lumbong un mangukas si kechun chi sancheɏla.”

John 1:33

Sakon mismu achipunku ammu siya, ngim si Apudyus un langibuun kan sakon un mambunyeg si chelum, imbyegala kan sakon, ‘Ha taguʼn itullonglu un ayan chi Ispiritu ya inggew kan siya, siya mangibunyeg si Ispiritun Apudyus.’

John 7:38

Ti kalan chi ugud Apudyus, ‘Lu silu mamati kan sakon, siya man-ayusan chi latattaguʼn chelum un malagu si tagu ing-inggala.’ ”

Acts 1:5

Bilunyagen John cha tagu si chelum ngim achipun mabyeyeg ked mabunyagen kayu si Ispiritun Apudyus.”

Acts 10:44

Si man-ugu-uguchen Peter, ummoy chi Ispiritun Apudyus kan cha losan un lanchochongngeɏ si ugud.

Acts 2:33

Lipangatu siyaʼd langit ot un laidchen si kilabyelin ya kalobbongan Apudyus. Ot si langawatala si Ispiritun Apudyus un ingkarila, si Jesus chi langibuun si Ispiritun Apudyus ta inggew kan chitaku. Cha intullongyu ya chingngeɏyu si sala, ked kingwan chi Ispiritun Apudyus.

1 Corinthians 12:13

Ti chitaku losan, cha Judio man willu cha Gentil, cha musassu man willu cha chakampun, libunyeg kan chitaku losan un long-eg Kristu chi ossaan un Ispiritun Apudyus. Ked ha Ispiritun Apudyus iinggew si kacha osa kan chitaku.