Luke 3:11 - Lubuagan Kalinga

¹¹ Ot silongbyatan John chicha, un kalala, “Ha taguʼn chuwa silupla, masapuɏʼn idchola osa si tagu un lappun silupla. Isula bo, ha taguʼn awed kalola, masapuɏʼn idchela bo tagu un lappun kalola.”

Luke 3:11 ပူးပေါင်းရင်းမြစ်များ

Matthew 25:40

“Ked sumongbyat chi Ari kan chicha, ‘Tuttuwa ibyegak kan chikayu, lu killingwayu si osaʼn kabyabyaan kan cha susuludku, killingwayu bo kan sakon.’

Luke 11:41

Ngim idchonyu kan cha kapus chi inggew si tasayu ya pinggenyu ked pumeɏkas chi losan un kilatataguyu.

Luke 18:22

Chingngeɏn pun Jesus chi hachi, kalala, “Awed chi ossaan un langkuɏangam. Man-ingilaka kan cha losan un kukkuwam ked idchom chi ngilala kan cha kapus, ked awed chi bilaklangluʼd langit. Ked umalika, mitun-ud kan sakon.”

Luke 19:8

Summiked si Zacchaeus ot kalala kan Apu Jesus si sangwalan cha tagu, “Apu, idchok chi godwan chi kukkuwak kan cha kapus ked lu awed iluyungak si tagu, mangampatok byayachen kan siya.”

John 13:29

Gapu ta si Judas chi mamangchon si pilakcha, kalan pun cha uchum un disipulus lu imbyegan Jesus kan siya un umoy mangngila kan cha kasapuɏancha si piyasta. Awed bo cha uchum un kalancha lu umoy mangatod si Judas si pilak kan cha kakapus.

Acts 10:2

Mangapudyus cha Cornelius un simbyeyan. Losancha chaychayawon si Apudyus. Malagtuɏung kan cha kakapus un Judio ya pasig malluluwalu kan Apudyus.

Acts 10:31

Ot kalala kan sakon, ‘Cornelius, chingngeɏn Apudyus cha luwalum ya simsimmokla cha pin-am koon un tumuɏung kan cha kakapus.

Acts 10:4

Intutukkeɏn Cornelius siya ot ummogyat ot kalala, “Ma ibyegam, Apu?” Ot kalan chi anghel, “Chingngeɏn Apudyus cha luwalum ya ammula in-ilom un tumuytuɏung kan cha kapus.

Ephesians 4:28

Lu awed ka-aakaw, masapuɏʼn iyageyla ked lumabbu, ti hachi ustu ta awed mangeala si masapuɏla ya ituɏungla kan cha makasapuɏ si tuɏung.

1 Timothy 6:17

Timothy, bililom cha byabyaklang utla lubung ta achicha is-iskeɏ ya achicha mallamlama si kilabyaklangcha un sin-akitan chi maumasala. Ngim si Apudyus chi mallamlamaancha, un mangato-atod kan cha losan un kasapuɏan taku ta gumalasan taku.

1 Timothy 6:18

Ya ibyegam kan chicha ta kooncha bibiɏu. Masapuɏʼn labyaklangcha si bibiɏuʼn kopya ya mallaaycha ya masapuɏʼn mangàatodcha kan cha uchum un tagu.

Hebrews 6:10

Ti lalintog si Apudyus, ked achipunla maliwatan cha pin-ayu killingwa ya ayatyu kan siya un impailayu si pin-ayu laluɏungan kan cha susulud taku un mamati ya sissiyan ituɏutuɏuyyu tuɏungan chicha.

James 1:27

Ti ha taguʼn ibilang Ama takuʼn Apudyus un gettok un mamati ked: tuɏunganta cha laulila ya cha labyaɏu si cha malligatancha ya achipunta mikama si lawwing un kokòon cha tagu si allaʼn lubung.

James 2:14

Susuludku, himma simbila lu awed taguʼn mangibyega un alla pammatila, ngim achipun mailad chi bibiɏuʼn angwatla? Ha taguwon kamman chi pammatila siya?

1 John 3:17

Lu awed osà tagu un alla mabyelinla ked itullongla osaʼn suludlaʼn kakkaasi, ngim achipunla kacheguwan, himma ilolaʼn mangibyega un ay-ayatola si Apudyus?

1 John 4:20

Lu awed mangibyega un ay-ayatola si Apudyus ngim lawwingola bo suludla, ked matuli. Ti lu achipunla ayaton chi suludla un itutullongla, ma in-ilolaʼn mangayat kan Apudyus un achipunla intullong.