Luke 23:4 - Lubuagan Kalinga

⁴ Oli pun kalan Pilate kan cha ap-apun cha papachi ya cha amod un taguʼn inggew, “Lappun lachuktaɏak si byasuɏn chi taguʼn alla un siya gapun chi matoyala.”

Luke 23:4 ပူးပေါင်းရင်းမြစ်များ

Matthew 27:19

Si ummaammuyan Pilate si tugew un manguisala kan cha tagu, lambuun si asawala si umoy mangibyega kan siya, “Achim bibiyangan chi taguʼn halat un lappun kabyasbyasuɏala, ti ilin-ilopku si labi un lapaligatalak gapu kan siya.”

Mark 15:14

Ot ilimus bo Pilate kan chicha, “Puggey? Himma lawwik un kingwala?” Ngim ilam-amodcha impakuy, “Ilansam si krus!”

Luke 23:22

Impitlun Pilate ilàaɏuk chicha un kalala, “Puggey? Simma byasuɏla? Lappun inchesak si byasuɏla ta siya gapun chi matoyala. Pasaplitku siya ked asik ot ibuɏus.”

John 18:38

Ot kalan Pilate kan siya, “Simma hachiʼn katuttuwaan un ibyegbyegam?” Gilamput pun Pilate imbyega hachi, kasin lummawa ot kalala kan cha Judio, “Lappun ammuk si byasuɏla.

Acts 25:25

Ngim lappun inchesak si kabyasuɏala un umalay un matoyala, ngim chilawatlaʼn maiyoy chi kasusla kan Emperador, simsimmokkuʼn ibuun siya udchi.

Acts 3:13

Chakampun kan chikami ngim si Apudyus un chilaychayaw cha chachakkey takuʼn Abraham, Isaac ya Jacob. Siya lampalin-awa si allaʼn tagu ta mipaila kila-Apudyus Jesus un lansimbi kan siya utla lubung, ti gilamputla impangatu si Jesus ud langit. Si Jesus, un impuɏangyu kan cha papangat ya ilissanyu si sangwalan Gubillachuɏn Pilate, ulay lu imbyegalan mawayawayaan siya.

Hebrews 7:26

Ked si Jesus chi kangatuwan un pachi un miyapot kan chitaku. Ti laapudyusan siya, lappun kachillawala, lappun byasuɏla, lisila kan cha malagbyasuɏ ya lipangatuʼd langit.

1 Peter 1:19

ngim ha lansakala ked kapotgen un chaɏan Kristu un libukbuk si latoyala. Ked siya isun chi keɏlilu un lappun pulus lawwikla ya chipiktulaʼn maichatun kan Apudyus.

1 Peter 2:22

Ti siya, achipun pulus lambyasuɏ ya lappun ilug-uggudla si tuntulli.

1 Peter 3:18

Ti lamingpingsan latoy si Kristu gapu si byasuɏn cha losan ta mapakawan cha byasbyasuɏ taku. Latoy chi lalintog un tagu gapu kan chitakuʼn malagbyasuɏ taplu iyachalila chitaku kan Apudyus. Latoy chi long-egla ngim latattagu ispiritula.