Luke 22:70 - Lubuagan Kalinga

⁷⁰ Kalan cha losan, “Chipay, Alak Chika kan Apudyus?” Silongbyatala chicha, “Siya kalanyu.”

Luke 22:70 ပူးပေါင်းရင်းမြစ်များ

Matthew 26:25

Ot gumminga si Judas un mangiyibit kan siya ot kalala, “Apu, ha sakon?” Ot kalan Jesus, “O, siya imbyegam.”

Matthew 26:64

Ot kalan Jesus kan siya, “Allat boʼn imbyegam. Ngim ibyegak kan chikayu, mailayu Sakon un Alak chi Tagu un umaammuy si machuwalan Apudyus un Mallakabyelin. Ya mailayu boʼn mangulilak un mibiɏun si libuuʼd langit.”

Matthew 27:11

Oli pun impasangucha si Jesus kan Pilate un gubillachuɏ. Ot ilimusla kan siya, “Ha sika Arin cha Judio?” Ot kalan Jesus, “Siya bo ti siya kalam.”

Matthew 27:43

Mantegod kan Apudyus ked kalala boʼn siya Alak Apudyus. Ilan taku amin lu pion Apudyus un taguwon siya si sala!”

Matthew 27:54

Ummogyat chi kapitan ya cha susuɏchachula un lambyebyentay kan Jesus si laliklacha chita ya intullongcha losan un lakwa. Ot kalancha, “Tuttuwaʼn Alak Apudyus siya.”

Matthew 3:17

Ot ladngeɏ ginga un lampeɏpuʼd langit un kalala, “Liya Alakkuʼn tagtagopok ya masmas-omak kan siya.”

Matthew 4:3

Ot ummoy si Satalas kan Jesus ot kalala, “Lu tuttuwaʼn Alak chika kan Apudyus, ibyegam kan cha allaʼn byetu ta mambyalin cha tilapay.”

Mark 14:62

“O, sakon!” kalan Jesus, “Ked mailayu Sakon un Alak chi Tagu un umaammuy si machuwalan chi Mallakabyelin un Apudyus. Mailayu bo sakon un umali un mipati kan cha libuu.”

Mark 15:2

Ot ilimus Pilate kan Jesus, “Sika kamma Arin cha Judio?” Ot summongbyat si Jesus, “Siya imbyegam.”

Luke 22:71

Oli pun kalancha, “Simma kasin taku sington si byasuɏla, ti chingngeɏ taku cha imbyegala.”

Luke 23:3

Kalan Pilate kan siya, “Sika kamma Arin cha Judio?” Kalan Jesus un summongbyat, “Ustu imbyegam.”

Luke 4:41

Lampeɏyaw bo kan cha aɏan un inggew kan cha achuʼn tagu, ot si ummoyolan cha aɏan, inyipkawcha un kalancha, “Sika alak Apudyus!” Ngim pilagilokla chicha ti tilagammucha un siya si Kristu un ingkarin Apudyus un umali.

John 1:34

Hachi intullongku, ked paloklokak kan chikayu un siya tuttuwaʼn Alak Apudyus.”

John 1:49

Ot summongbyat si Nathanael kan siya, “Apu, sika Alak Apudyus! Sika Ari ud Israel!”

John 10:30

Sakon ya si Ama, os-ossaan kami.”

John 10:36

Sakon, chilutukalak kan Ama ot imbuulak utla lubung. Ot gapu ta imbyegak un sakon chi Alak Apudyus, ibyegayuʼn lan-uguchak si sumupling kan Apudyus?

John 18:37

Ot kalan Pilate kan siya, “Lu katlat, Arika bo amin lù?” Insongbyat Jesus, “Tuttuwa imbyegam. Ha panggopkuʼn ummali utla lubung un miyalak ked ipakaammuk chi katuttuwaan. Ked lu silu mangipotog si katuttuwaan, patiyola ibyegak.”

John 19:7

Ot kalan cha Judio, “Awed si lintogmi un masapuɏn matoy siya ti imbilangla long-egla un Alak Apudyus.”