Luke 22:5 - Lubuagan Kalinga

⁵ Latetteɏokcha ot lantutuyegchaʼn byayachencha siya.

Luke 22:5 ပူးပေါင်းရင်းမြစ်များ

Luke 22:4

Ummoy Judas intuɏeg kan cha ap-apun cha papachi ya cha kapitan chi guwechan chi templo lu silu in-ilolaʼn mangiyibit kan Jesus.

Luke 22:6

Inteun Judas ot lugiyalaʼn mansingit si wayalaʼn mangiyibit kan Jesus un achipun cha tagu maammuwan.

Acts 1:18

Ha lakwa kan Judas. Ha pilak un ilawatla si lawwing un kingwala kan Jesus, siya lingila si pita ot udchi latoyala. Lan-uuslung un lan-odcheg ot bilumtak chi buwangla ot lummoswa cha chilaɏomla.

Acts 8:20

Ngim kalan Peter kan siya, “Mipati otyan cha pilaklu kan sika masgob ud impiyeɏlu, ti kalam pun lu makwaʼn mangin-an chi sagot Apudyus si pilak!

2 Peter 2:15

Tilelancha ustuʼn chaɏan ot lalungachungawcha. Tiluɏedcha killingwan Balaam un alak Beor si awi, un lambyasuɏ gapu si kilaagumla si pilak.

2 Peter 2:3

Ked gapu si kilaagumcha, sikapancha un mantudtuchu kan chikayu si is-istorya un killingkingwacha ta mangeancha si pilak. Ngim labyeyeg un lakasagala chi machusaancha ya achipun masuyop chi manyam-an kan chicha.

Jude 1:11

Kadchegu cha allaʼn tagu! Ti tiluɏedcha killingwan Cain. Ked gapu si kilaagumcha si pilak, bilay-ancha un ichaɏan chicha si lawwing un angwat un isun Balaam. Ya tiluɏedcha bo byasuɏn Korah un achipunla tiluttuwa si Moses, ked machuchusacha un isun Korah.