Luke 22:30 - Lubuagan Kalinga

³⁰ Ta makakan kayu ya makailum kayu kan sakon si manturayak, ked umamuy kayu un mangituray kan cha simpuɏu ya chuwaʼn tribun Israel.”

Luke 22:30 ပူးပေါင်းရင်းမြစ်များ

Matthew 19:28

Ot kalan Jesus kan chicha, “Tuttuwa ibyegak kan chikayu, Sakon un Alak chi Tagu, lu chumtong chi man-Ariyak si baruʼn lubung, chikayu un lituntun-ud kan sakon mantugew kayu bo kan cha lasawaɏan si chuwaʼn trono un makaturay kan sakon. Ked chikayu manguis kan cha simpuɏu ya chuwaʼn galak Israel.

Matthew 5:3

“Pian cha taguʼn ammucha un lappun kabyeeɏancha si sangwalan Apudyus, ti mipaticha si Mampangatan Apudyus.

Matthew 8:11

Ibyegak kan chikayu, achu cha Gentil un mampeɏpu si sumileɏan ilit un ili ya mipisukan ilit un umoy makakan kan cha Abraham, Isaac ya si Jacob si Mampangatan Apudyus ud langit.

Luke 12:37

Pian cha bubùulon un ochesan chi apucha chichaʼn lakasagala ya achipun cha lasusuyop. Ibyegak kan chikayu, pasantala silupla ked paamuyola chicha ta pakalala chicha.

Luke 14:15

Chingngeɏn pun chi osaʼn lakakan chi imbyegan Jesus, kalala kan siya, “Pian chi makakan makalaglagsak si Mampangatan Apudyus.”

2 Timothy 2:12

Lu maattoman taku cha ligat, makaturay taku bo kan siya. Ngim lu puklitan taku siya, puklitala bo chitaku.

James 1:1

Sakon si James un mansimbi kan Apudyus ya Apu Jesu Kristu. Allaya suɏatku kan chikayuʼn Judio un mamati un lawatawatak si ili-ili. Bibiɏu kayu otyan losan.

Revelation 19:9

Ot kalan chi anghel kan sakon, “Igilim cha allaya: Pian cha hachiʼn laimbiteɏan si kaseɏn chi Keɏlilu.” Ya kalala bo, “Katuttuwaan cha hachi ti mismuʼn imbyegan Apudyus.”

Revelation 3:21

“ ‘Ked losan un achipun paabyak si lawwing, itipugku chichaʼn makaamuy kan sakon ya makaturay un isun chi killingwan Ama kan sakon si langɏogek kan Satalas.

Revelation 4:4

Awed bo chuwampuɏu ya opat un aammuyan un lampalikwos si hachiʼn aammuyan Ari, ked cha umaammuy, cha chuwampuɏu ya opat un mangipangpangu. Ked lasilupancha si mamputilak ya awed chi koronacha un byalituk.