Luke 21:8 - Lubuagan Kalinga

⁸ Kalan Jesus, “Man-alled kayu ta achi kayu maallilaw. Ti achu cha umaliʼn useɏoncha ngachenku un kalancha, ‘Sakon si Kristu.’ Ya kalancha bo, ‘Chanchali timpula!’ Ngim achi kayu mikama kan chicha.

Luke 21:8 ပူးပေါင်းရင်းမြစ်များ

Matthew 24:11

Ked achu cha lumoswa un silan propeta un mangallilaw kan cha achun tagu.

Matthew 3:2

Kalala, “Ibyabyawiyu cha byasbyasuɏyu ti chanchali Mampangatan Apudyus.”

Matthew 4:17

Malipud si hachiʼn timpu, lilugiyan Jesus un lambyegbyega un kalala, “Mambyabyawi kayu kan cha byasuɏyu ti chanchali Mampangatan Apudyus.”

Luke 17:23

Ked lu awed mangibyega kan chikayu, ‘Itullongyu udchi!’ willu ‘Itullongyu utla!’ Ngim achiyu umoy sington.

Luke 21:7

Ot ilimus cha disipulusla, “Mistulu, kam-amman chi makwaan cha alla? Ked simma mangilasilan un chumtong chi timpu un makwaan cha laoy?”

Luke 21:9

Ked achi kayu umogyat lu chongɏonyu cha manggugubyat kan cha gilogongot. Ti masapuɏ un umun-ula makwa cha laoy, ngim chakampun un piolaʼn uguchon chanchali alungus chi lubung.”

John 5:43

Ummaliyak gapu si kalobbongan Amak, ngim achipulak ilawat kan chikayu. Ngim lu awed umali si uwalaʼn kalobbongan, siya bo ilawatyu.

John 8:24

Siya langibyeg-ak kan chikayu un matoy kayuʼn achipun mapakawan chi byasuɏyu lu achipun kayu mamati un Sakon chi imbyegak.”

John 8:28

Ot kalan Jesus kan chicha, “Sakon un Alak chi Tagu lu ilansaak kan chikayu si krus, siya mangammuwanyu un sakon chi ibyegbyegak. Katchi boʼn lappun kook un iyabusku, ngim ibyegak chi intudtuchun Amak kan sakon.

1 Corinthians 6:9

Ha achipunyu kamman ammu un cha mangwa si iluuyung, achipuncha mipati si Mampangatan Apudyus? Ked ilanyu ta achiyu tuntulliyan chi long-egyu, ti losan un mamangwa si kilagatkat un kopya, cha malaychayaw si silan-apudyus, ulay cha kachechegchegas, cha leɏakiʼn mabyayachen willu cha leɏakiʼn kaob-obogcha asinleɏakicha ya cha byebyaiʼn kaob-obogcha asinbyebyaicha,

Ephesians 5:6

Allechenyu ta achi kayu maallilaw kan cha masikap un mangibyega si chakampun un tuttuwa. Ti cha achipun mamati si katuttuwaan, sigulachuʼn apitoncha sangan Apudyus.

2 Thessalonians 2:3

Achi kayu maallilaw ulay silu mangibyega, ti ha eɏgew un mangulilala, achipun yan gumatong inggala umun-ula umachu cha taguʼn sumupling kan Apudyus. Ked si hachiʼn timpu, lumoswa osa un patunged chi mansusuplingla si lintog Apudyus, un machusa ud impiyeɏlu.

2 Timothy 3:13

Ngim cha lawwing ya cha mangallilaw, maam-amodcha allilawon cha tagu ya maallilawcha bo.

1 John 4:1

Bubuɏunkuʼn ay-ayatok, achiyu patiyon cha taguʼn mangibyegbyega un awed kalu Ispiritun Apudyus kan chicha. Ngim paloklokanyu yan lu tuttuwaʼn si Apudyus chi lampeɏpuwan chi hachiʼn ispiritu. Ti ummachu cha tuntulliʼn propeta un lummoswa utla lubung.

2 John 1:7

Achu cha taguʼn lummoswa si sala un pin-a man-allilaw kan cha tagu. Cha taguʼn achipun mamigbig un ummali si Jesu Kristu un lambyalin tagu. Cha kamatchiʼn tagu, mangallilaw ya kabusuɏn Kristu.

Revelation 1:3

Ked binchisyulan Apudyus chi taguʼn mambyasa si sangwalan cha uchum, ya mabinchisyulan bo cha losan un manchongeɏ lu tuttuwaoncha ibyegbyegala, ti achipun mabyeyeg ked makwa cha alla losan!

Revelation 12:9

Ot lapeɏyaw chi hachiʼn kaog-ogyat un dragon, ya libyellu cha losan un anghelesla utla pita. Hachiʼn dragon, siya uɏog si awi un pangat cha aɏan, willu siya Satalas un langallilaw kan cha tagu utla pita.