Luke 2:51 - Lubuagan Kalinga

⁵¹ Hachi ked, litun-ud si Jesus kan chichaʼn langulin ud Nazareth, ot tummuttuwa kan cha losan un pakwacha. Si ilala simsimsimmokla losan un laklakwa.

Luke 2:51 ပူးပေါင်းရင်းမြစ်များ

Matthew 12:46

Lan-ugu-ugud si Jesus kan cha amod un tagu si gummatngan ilala ya cha susuludlaʼn leɏaki. Illinggewchaʼd paway ti pionchaʼn makaugud kan siya.

Matthew 3:15

Ngim kalan Jesus un summongbyat, “Chowot sika mamunyeg kan sakon si sala, ti kasapuɏan un koon taku cha losan un ipakwan Apudyus kan chitaku.” Ot inteun John un bunyagen siya.

Mark 1:9

Si hachiʼn timpu, gummatong si Jesus un lampeɏpuʼd Nazareth un osaʼn ili si probinsiya ud Galilee, ot ummoy lampabunyeg kan John si chewwang un Jordan.

Mark 6:3

Chakampun kamman un siya hachiʼn kalupinteɏ? Chakampun kamman un siya alak Mary ya sulud cha James, Joseph, Judas ya Simon? Chakampun kamman un alla cha byebyaiʼn suludla kan chitaku?” Ot achipuncha impotog siya.

Luke 18:37

Kalancha kan siya, “Lumaus si Jesus un iNazareth.”

Luke 2:19

Ngim si Mary, inlulugla si somsomokla losan cha allaya ot simsimsimmokla chicha.

Luke 2:39

Gilamput pun cha Joseph kan Mary killingwa cha losan un bilin si lintog Apudyus, langulinchaʼd Nazareth un ili ud Galilee.

Luke 4:16

Oli pun ummoy si Jesus ud Nazareth un chummakeɏala, ot Sabyechu pun un man-illongan cha Judio, ummoy si sinagoga ti siya pin-ala koon. Ot summiked siya ta mambyasa si ugud Apudyus

Luke 4:23

Ot kalan Jesus kan chicha, “Kapilitan un ibyegayu kan sakon chi laoy un ug-uggud, ‘Chuktuɏ, palin-awaom chi long-eglu.’ Ti pionyu boʼn pakwa kan sakon utla ilik chi lakaskaschaaw un chingngeɏyuʼn killingwak ud Capernaum.”

Ephesians 5:21

Kacha osa kan chikayu, masapuɏʼn mampakumbyabya kan cha biɏunla ti kamatchi main-an chi mampakumbyabyaanyu kan Kristu.

1 Peter 2:21

Ti hachi langayagen Apudyus kan chikayu, gapu ta lapaligatan si Kristu gapu kan chikayu ked tilelala mantuɏachenyu ta suɏutonyu biyeg Kristu.